Agjencia Zhurnal.KS
Bota

“Bashkimi Evropian do të formojë komisionin evropian të shëndetit”

Pandemia e koronavirusit ka theksuar nevojën për më shumë koordinim në Bashkimin Evropian, thotë presidenti i Komisionit Evropian.

Komisioni Evropian ka propozuar një sërë masash për të forcuar kujdesin shëndetësor dhe për të përgatitur më mirë Bashkimin Evropian për krizat e ardhshme shëndetësore, raporton Hina dhe transmeton Zeri.info.

Presidentja e KE-së Ursula von der Leyen deklaroi se “Qëllimi ynë është të mbrojmë shëndetin e qytetarëve evropianë. Pandemia e korona virusit ka theksuar nevojën për më shumë koordinim në BE, sisteme shëndetësore më elastike dhe gatishmëri më të mirë për krizat e ardhshme,”.

Bazuar në atë që është mësuar gjatë nëntë muajve të fundit në luftën kundër pandemisë COVID-19, Komisioni po propozon një kornizë shëndetësore për një përgatitje më të mirë në nivelin e BE, monitorimin, vlerësimin e rrezikut, paralajmërimin e hershëm dhe reagimin e shpejtë.

Tri rregulloret e propozuara i drejtohen Këshillit Evropian dhe Parlamentit Evropian, të cilët kanë nevojë për të negociuar dhe miratuar tekstet përfundimtare ligjore. Rregulloret do të hyjnë në fuqi sa më shpejt që të miratohen dhe mund të zbatohen drejtpërdrejt.

Sipas Rregullores së re mbi kërcënimet serioze shëndetësore ndërkufitare, BE do të jetë në gjendje të miratojë masa të përbashkëta në nivelin Evropian për t’u marrë me krizat ndërkufitare në të ardhmen – për të shpallur një gjendje të jashtëzakonshme në nivelin e BE, duke shkaktuar një koordinim të zgjeruar për të mundësuar zhvillimin, rezervimin dhe prokurimin e produkteve për menaxhimin e krizave; forcojë planet për gatishmëri, raportim dhe auditim më të mirë në nivelin e BE-së; të vendosë një sistem të integruar për kontrollin e sëmundjeve ngjitëse dhe kërcënimeve të tjera shëndetësore.

Dy rregulloret e tjera kanë të bëjnë me forcimin e mandatit të agjencive evropiane – Qendra Evropiane për Kontrollin dhe Parandalimin e Sëmundjeve dhe Agjencia Evropiane e Barnave./Zëri

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...