Agjencia Zhurnal.KS
Ekonomi Maqedoni

Bekteshi me premtim për furnizuesit e ushqimit dhe punëtorët e turizmit

Shkup, 13 nëntor – Zhurnal.mk – Ministri i Ekonomisë Kreshnik Bekteshi gjatë ditës së sotme zhvilloi takim pune me përfaqësues të sektorit të turizmit dhe hotelierisë.

Në takim, Ministri prezantoi Programin për mbështetjen financiare të sektorit të turizmit dhe hotelierisë, i cili u miratua nga Qeveria, e që siguron masa për të mbështetur këtë sektor të përfshirë në Pakon e katërt të masave për të ringjallur ekonominë në kushte të COVID-19.

Ministri informoi se Pakoja e katërt e masave me mbështetje të drejtpërdrejtë financiare përmes granteve të drejtpërdrejta mbulon restorantet, këndet e lojërave, agjencitë e licencuara të udhëtimit dhe udhëzuesit turistik. Gjithashtu është planifikuar kthimi i taksës turistike për vitin 2019 për objektet turistike.

“Në fillim të javës së ardhshme, Ministria e Ekonomisë do të shpallë pesë thirrje publike që dalin nga këto pesë masa për mbështetje të sektorit të turizmit dhe hotelierisë, që janë paraparë në Pakon e katërt të masave të miratuara nga Qeveria. Të gjitha agjencitë e udhëtimit, këndet e lojërave, udhëzuesit turistikë, restorantet që organizojnë dasma dhe persona të tjerë juridikë nga sektori i hotelierisë që mbulohen nga masat do të mund të aplikojnë në mënyrë elektronike në platformën “Pushime në vend” deri në fund të muajit. Ministria e Ekonomisë do të përpunojë aplikimet menjëherë pas mbërritjes së tyre, në mënyrë që mjetet të paguhen me kohë dhe shpejtë. Qëllimi i këtyre masave është përmes mbështetjes së drejtpërdrejtë financiare të ndihmohen të gjithë punëtorët e turizmit dhe furnizuesit e ushqimit të cilët si rezultat i pandemisë kishin humbje më të mëdha “, ceku Ministri Bekteshi në takim.

Vlera e përgjithshme e mbështetjes financiare për të pesë masat, siç informoi Ministri është 459,650,000 denarë ose 7,5 milion euro, dhe këto mjete do t’i paguhen drejtpërdrejt sektorit të turizmit dhe hotelierisë deri në fund të vitit, pra masa do të zbatohet në periudhën nëntor- dhjetor.

“60,000,000 denarë janë paraparë për masën-grante për restorante, 153,000,000 denarë janë paraparë për grante për këndet e lojërave, 116,850,000 denarë janë dhënë për licenca për agjenci të licencuara të udhëtimit, 9,800,000 denarë janë ndarë për grante për udhëzuesit turistik, ndërsa për masën e kthimit të taksës së paguar turistike për vitin 2019 sigurohen fonde në vlerë prej 120,000,000 denarë, informoi Ministri.

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...