Agjencia Zhurnal.KS
Kosovë

Besa Shahini: Pati kampanjë të vrazhdë kundër meje dhe Gent Cakajt nga Vetëvendosje

Besa Shahini dhe Gent Cakaj nga Kosova, u emëruan si ministra në Qeverinë e Shqipërisë që drejtohet nga Edi Rama.

Shahini nuk e çoi deri në fund mandatin e saj si Ministre e Arsimit, derisa Cakaj edhe sot e kësaj dite është ushtrues detyre i Ministrit të Punëve të Jashtme dhe Evropës pasi nuk u dekretua nga presidenti Ilir Meta.

Por, Shahini thotë se as njëri dhe as tjetri nuk janë raste mossuksesi, derisa shton se Lëvizja Vetëvendosje bëri fushatë të vrazhdë kundër tyre.

“Unë nuk e shoh si një rast mossuksesi as njërin dhe as tjetrin, por të dy kemi situata krejt të ndryshme prej njëri-tjetrit. Genti u pengua nga presidenti dhe nga politikat ditore. Pati një kampanjë shumë të vrazhdë nga Lëvizja Vetëvendosje, kundër të dyve, e cila reflektoi te vendimi i presidentit që të mos e dekretojë si ministër”.

Sipas Shahinit, në dokumentin që e nxorri presidenti Meta, ishin pak a shumë të njëjtat fjalë që i nxorri VV-ja, kur e nxorri sipas saj, deklaratën negative kundër Cakajt, “që nuk mund të jetë Ministër i Punëve të Jashtme”.

“Unë kam vendosur që të tërhiqem, para se të futemi në proces zgjedhor, janë ndryshe strukturalisht si probleme. Nëse e marrim perspektivën pozitive, që unë e kam për gjithë këtë projekt, mendoj që çdo projekt në fillim të tij, has në sfida të ndryshme të cilat tejkalohen rrugës dhe mësohen mësime, për të mos u përsëritur në të ardhmen. Si projekt, që ka filluar shumë ambicioz dhe ka treguar vullnetin e kryeministrit Rama dhe PS-së që të ndërmarrë hapa drejt përfshirjes së shqiptarëve, jashtë kufijve të Shqipërisë në qeverisjen në Shqipëri, ka qenë jashtëzakonisht i suksesshëm”.

Shahini vlerëson se megjithatë projekti për përfshirjen e Kosovës në qeverisjen në Shqipëri ishte i suksesshëm.

“Mund ta quani dështim. Një projekt, që ka filluar për herë të parë ka dhënë rezultat të kënaqshëm dhe ka bërë një kapërcim në këtë idenë e mundësisë së përfshirjes së shqiptarëve, në pozita të larta vendimmarrëse edhe nga jashtë kufijve të atij vendi. Një gjë e tillë mund të ndodhë në të ardhmen edhe në Kosovë – nuk është më një çudi dhe një projekt që do të habisë njerëzit”.

“E kemi bërë një kapërcim te pjesa shoqërore dhe kulturore, ndoshta nuk e kemi bërë kapërcimin politik, aq sa është dashur dhe ky projekt nuk ka rezultuar politikisht aq suksesshëm sa ka pasë ambicie në fillim, por që e ka ndryshuar qasjen që njerëzit e kanë ndaj një shkëmbimi të tillë është plotësisht e vërtetë”.

Postime të ngjashme

Humbin jetën edhe 17 persona nga coronavirusi në Kosovë – konfirmohen 781 raste të reja

S.B.

Haradinaj: Nuk kishim tjetër zgjidhje pos të përballemi me Serbinë

S.B.

Edita Tahiri reagon ndaj deklaratës së Edi Ramës për Kosovën

S.B.

Kurti bën homazhe te varret e presidentit Ibrahim Rugova dhe veprimtarit Adem Demaçi

S.B.

Seanca e Gjykatës së Hagës, avokati i Thaçit: Na jepni materialet që kërkojmë

S.B.

Hoxhaj përkujton 22 vjetorin e bombardimeve të NATO-s: Mision historik në mbrojtjen e të drejtave të qytetarëve për liri

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...