Agjencia Zhurnal.KS
Maqedoni TOP LAJM

Besimi: Riprogramimi i debisë afatgjate në kushte të normave më të mira të interesit

Shkup, 11 nëntor – Ministri i Financave Fatmir Besimi paralajmëroi se do të qaset drejt një procesi riprogramimi afatgjatë në kushte të përmirësimit të normave të interesit për debi, si dhe lëshimit të eurobonove në vend, në të cilën do të investonin investitorët e huaj.

“Kemi disa mënyra për të financuar deficitin për vitin e ardhshëm. Njëra është përqendruar në huamarrje edhe atë duke lëshuar një eurobono në tregun vendor. Duke pasur parasysh se detyrimet për interes janë mjaft të larta dhe ne paguajmë 150 milionë euro në vit interes, do të qasemi me një proces të riprogramimit në plan afatgjatë. Me një analizë të mirë, të mirëmenduar, le të shohim se cili është efekti, si të riprogramojmë në kushtet e një pozicioni të përmirësuar për normat e interesit për huazimet. Megjithatë, në të njëjtën kohë do të shohim edhe mënyra të tjera”, tha ministri i Financave në një paraqitje si mysafir në ditarin e TV Sitel.

Ai shtoi se një nga opsionet që po shqyrtohet është edhe lëshimi i eurobonove në tregun vendor, në të cilin do të investonin investitorët e huaj, gjegjësisht lëshimi i një eurobonoje zhvillimore afatgjate me normë interesi zero.

Përveç huazimit, ai përmendi privatizimin e një pjese të kapitalit shtetëror, ku do të shihet se cilat janë aksionet që ka shteti në kompani të caktuara. Me këtë rast theksoi se në pjesën e shitjes janë ato kompani që nuk tregojnë veprimtari të suksesshme siç janë “Postat e Maqedonisë”, “Hekurudhat e Maqedonisë – Transport”, “Tutunski kombinat – Prilep, “Kolska”, “Eurokompozit” dhe OHIS. Në pjesën e këtyre projekteve mund të përfshihen si opsion për reformimin në punë edhe TEC “Negotinë” dhe qasje të ngjashme të këtilla.

Besimi paralajmëroi edhe themelimin e një fondi për mbështetjen e investimeve dhe me këtë rast sqaroi se një është fondi i garancisë, i cili tashmë është themeluar,  së dyti do të ketë një fond kapital dhe një fond për zhvillimin e projekteve strategjike që do të zbatohen përmes institucioneve ekzistuese, siç është Banka për zhvillimi, FIZHT, Agjencia për  investime dhe të tjera.

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...