Agjencia Zhurnal.KS
Maqedoni Rekomanduar TOP LAJM

Bllokohen ndryshimet e rregullores! Opozita parashtroi mbi 3 mijë amendime

Shkup, 30 nëntor, zhurnal.mk – Kuvendi nis debatin për ndryshimin e Rregullores. Opozita ka propozuar mbi 3 mijë amendime. Koalicioni Aleanca për Shqiptarët dhe Alternativa vlerëson se me ndryshimet e propozuara shumica parlamentare po e kthen Gruevizmin në vend.

“Kjo çështje duhet parandaluar pasi kërkohet konsensus gjithë partiak. Deri tani njëherë ka ndodhur që Rregullorja të ndryshohet kokë më vete pa opozitën pra në kohën e Gruevskit. Unë ju thash edhe në foltore, nëse doni ta ktheni Gruevizmin, miratoni Rregulloren kokë më vete. Konsiderojmë që me amendamente të mjaftueshme do të kërkojmë që gjithçka të shkojë me konsensus”, tha Skender Rexhepi, Alternativa.

VMRO-DPMNE-ja kërkon që debati për Kuvend funksional të zhvillohet në kuadër të dialogut të Zhan Monesë.

“Nëse duam të kemi parlamentarizëm normal, duhet të punojmë në atmosfere normale. Kemi një dialog për Rregulloren përmes dialogut të Zhan Monesë, por shohim se shumica shmanget. Pra mënyra e ndryshimit të Rregullores që ajo të pranohet nga të gjithë është vetëm përmes konsensusit nga gjitha subjektet”, u shpreh Timço Mucunski, VMRO-DPMNE.

Shumica parlamentare akuzon opozitën për obstruksione.

“Nuk mund të jemi peng i opozitës dhe të bllokohet puna e Kuvendit. Të gjithë jemi njerëz dhe çdo kush mund të infektohet me virusin. Qëllimi është që Kuvendi të punojë pa pengesa sepse ka disa ligje që duhet miratuar posaçërisht buxheti. Sigurisht që ideja e vetme është Kuvendi funksional”, theksoi Arben Ziberi, BDI.

“Më vjen keq që ndodh kjo por publiku ta vlerëson. Pikëpamjet tona janë që vetëm ata deputetë që preken nga ky virus, pra vetëm nga ky virus të mund të votojnë përmes formës elektronike”, tha Dime Vellkovski, LSDM.

Me ndryshimet e parashikuara, deputeti i cili është i infektuar me Kovid-19 dhe posedon vendim të organeve kompetente për izolim, gëzon të drejtën që nga shtëpia të kyçet në debate dhe votim. Kjo masë nuk vlen për deputetët që vuajnë nga sëmundje të tjera apo preket nga gripi sezonal, si dhe për përfaqësuesit e Qeverisë gjatë mbrojtjes së ligjeve të propozuara apo shqyrtimit të amendamenteve. Ndryshimi i Rregullores është propozuar me procedurë të shpejtë.

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...