Agjencia Zhurnal.KS
Sport

Cavani hetohet për përdorimin e një fjale raciste, për të cilën dikur Suarez ishte suspenduar me tetë ndeshje moslojë

Edinson Cavani është bërë shënjestër e një hetimi nga Federata Angleze e Futbollit, pas fitores dramatike të Manchester Unitedit ndaj Southamptonit.

Sulmuesi uruguaian realizoi dy gola duke ua siguruar Djajve të Kuq fitoren (3-2) në çastet e fundit të takimit, në të cilin u inkuadrua nga banka rezervë.

Mirëpo, heroizmi i tij në stadiumin St Mary u lanë nën hije pas publikimit në rrjetet sociale të një termi në spanjisht me konotacione raciste.

Duke iu përgjigjur urimeve të një miku të tij, Cavani ka shkruar: “Gracias negrito”, një term që është referencë për racën dhe përkthehet: “Faleminderit, zezak”.

Postimi është fshirë tre orë pas publikimit, derisa futbollisti pohon se ‘negrito’ është një term që shfrytëzohet për të shprehur afërsinë në Amerikën Jugore.

Sidoqoftë, Federata Angleze është njoftuar për postimin dhe ka nisur hetimet, ndërsa mediat kanë bërë menjëherë krahasime me bashkëkombësin e tij, Luis Suarez.

Ish-sulmuesi i Liverpoolit ishte suspenduar për tetë ndeshje dhe ishte gjobitur me 40.000 funte për përdorimin e fjalës ‘negro’ në një zënkë me mbrojtësin e dikurshëm të Unitedit, Patrice Evra, në vitin 2011.

Edhe Suarez asokohe ishte mundur të shpjegonte se në Uruguai dhe Amerikën Latine, kjo fjalë nuk konsiderohej ofenduese në situata të caktuara. /Telegrafi/

Postime të ngjashme

Policia i merr në pyetje zyrtarët e Kombëtares për rastin Muric-Zhegrova

M O

Nedved, kategorik

M O

Zyrtare: Sami Sermaxhaj emërohet trajner i Drenicës

M O

Coutinho-Odegaard, projektohet shkëmbimi

M O

Sonte miqësorja Kosovë – Lituani

M O

Vetëm pesë lojtarë nuk janë në shitje te Juventusi

M O

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...