LAJME NGA MAQEDONIA

Shkup, 31 korrik-Të gjitha stacionet veterinare në Maqedoni do të marrin autorizime për kryerje të veprimtarisë së interesit publik. Me këtë, do të kenë të drejtë për mbështetje shtetërore në vlerë të përgjithshme prej 3,5 milionë eurove, do të shkatërrohet monopoli i deritanishëm dhe do të ulen çmimet e shërbimeve.

Këtë e parashikojnë ndryshimet në Ligjin për veprimtari veterinare që e miratoi Qeveria në javën e fundit, ndërsa e bëri të ditur sotzëdhënësi Aleksandar Gjorgjiev.

Me ndryshimet hiqet edhe afati në çdo pesë vite të merren autorizimet. Ambulanca veterinare do të përfitohet me një mundësi të tillë menjëherë, prej momentit të themelimit të saj. "Me ndryshimet ligjore do të zgjidhet problemi shumëvjeçar që i ngarkonte edhe veterinarët edhe bujqit.

Tani fermerët nuk do të duhet që kafshën ta dërgojnë për mjekim në qytet tjetër dhe shumë më thjeshtë do t'i marrin dokumentet për subvencione, si dhe lejet për lëvizje të mallrave", theksoi Gjorgjiev.

Në mesin e përfitimeve nga Propozim vendimi është edhe ajo që lehtësohet dalja dhe hyrja e manarëve shtëpiakë, procesi do të mund të realizohet në të gjitha 19 vendkalimet kufitare.

"Deri më tani manari mund të nxirrej apo të futej në vend vetëm në nëntë nga 18 vendkalimet kufitare dhe atë në prani të veterinarit. Tani në të gjitha 19 vendkalimet, kjo do të jetë e mundur sepse kontrollimin do ta kryejnë edhe doganierët e trajnuar për kontroll të dokumenteve, pasaportave për kafshë dhe vërtetimit për gjendjen shëndetësore", theksoi zëdhënësi Gjorgjiev.

(1575 herë i lexuar)     publikuar më 31.07.2012 në 13:29 nga F.B.

KOMENTI

LAJMET E FUNDIT

LAJMET MË TË LEXUARA