Shtetësia e Maqedonisë, së shpejti vetëm me një dëshmi mund të merret
« INSIDE » “Ku është shtabi i xhihadistëve në Maqedoni?”
Zaev: Qytetarët do të marrin përgjigje për “Sopotin”, “Monstrën”, “Lagjen e Trimave, ..
« Analistët » "Tvrdokornat" të revoltuar ndaj VMRO-së sepse kjo parti nuk formoi Qeverinë
Familja e Denadës përjeton dramë në SHBA: Në shqipëri njerëzit vriten
auto_56938bfbe0ab44eb8ea67fca02afd84b1510412962.jpg

Denada Rondos, një emigrante shqiptare dhe gruaja e një pronari lokali në SHBA, pritet të deportohet në fillim të javës së ardhshme. Rondos, nënë e tre fëmijëve, po përballet me një urdhër për t’u larguar nga vendi deri të hënën. Ajo erdhi në Shtetet e Bashkuara në vitin 2002 dhe ka aplikuar për azil.

Zëdhënësi i Emigracionit dhe Doganës Khaalid Ëalls tha të premten se Rondos u urdhërua të hiqet nga kërkesa për azil, nga një gjykatës i emigracionit në vitin 2009. Vendimi u miratua pas një ankese në Bordin e Apelimit të Emigracionit, shkruan myrecordjournal.com.

“Në një ushtrim të diskrecionit, ICE ka lejuar znj. Rondos të mbetet e lirë nga paraburgimi me kërkesat e raportimit periodik,” tha Ëalls në një deklaratë. “Agjencia do të vazhdojë të monitorojë nga afër çështjen e saj për të siguruar largimin e saj në përputhje me urdhrin e saj përfundimtar të largimit nga vendi.”

Ajo dhe bashkëshorti i saj Viron Rondos jetojnë në Cheshire të Connecticut dhe kanë në zotërim një restorant të njohur në atë zonë të quajtur “Viron Rondo Osteria”.

Prej katër vitesh ata kanë investuar dhe janë impenjuar në biznesin e tyre. Denada thotë se kohët e fundit në vend që të fokusohet në përmirësimin e punës në restorant, ajo ka qenë e shqetësuar se në një moment të caktuar mund t’i ndryshojë e gjithë jeta. Dhe ky moment mesa duket ka ardhur. Ajo ka marrë një urdhër që duhet të largohet nga SHBA, ndërsa bashkëshorti jo.

“Ndihem si kriminele”, thotë ajo. Që prej muajit Tetor, asaj i është vendosur nga autoritetet një byzylyk në këmbë për të gjurmuar çdo lëvizje të saj. Denada emigroi për në Shtetet e Bashkuara në Gusht të vitit 2002 për t’i shpëtuar dhunës në Shqipëri.

“Ishim shumë të varfër. Nuk kishte shumë mundësi për një person që të rritej dhe të jetonte vetëm me mamanë dhe tre motrat, në rastin tim”, tregon Denada. Ajo dhe Vironi kanë tre fëmijë, që të gjithë me shtetësi amerikane. “Unë nuk do ta dërgoj gruan dhe fëmijët e mi në një vend ku vriten njerëz”, thotë Viron Rondos, duke ju referuar Shqipërisë.

Në vitin 2007, Gjykata e Emigracionit në Nju Jork nxorri një urdhër largimi nga vendi kundër Denadës. Por, që prej atëherë nuk ishte ndërmarrë asnë veprim nga autoritetet amerikane dhe për këtë arsye çifti shqiptar vazhdoi jetesën dhe hapi restorant, prej katër vitesh tashmë.

“Ky është fëmija ynë i katërt. Kemi kaluar kaq shumë orë këtu. Kemi punuar fort për ta bërë të suksesshëm, siç është sot. Dosja jonë është e pastër. Menduam se kriminelët po largohen, jo njerëz si ne që punojnë shumë”, shprehet Denada.

Dy muaj më parë, autoritetet i mohuan asaj të drejtën për të qëndruar në SHBA. Të enjten (9 Nëntor), Denada u tregoi fëmijëve se duhet të largohen nga vendi. Që në atë moment, fëmijët kanë qarë pa pushim, thotë ajo. Nga ana tjetër, kongresmenia amerikane Elizabeth Esty ka dalë në mbështetje të Denada Rondos.

“Denada Rondos kujdeset për tre fëmijë, një familje, për librat dhe për biznesin familjar. Burri i saj Viron punon 12 orë në ditë për të siguruar ushqim në tavolinën e familjes, për të mos përmendur krijimin e një biznesi të vogël dhe hapjen e vendeve të punës për njerëzit në qytetin tim të lindjes Cheshire. Ka një arsye përse familja Rondos ka marrë dhjetra letra në mbështetje të tyre për ta lënë Denadën të qëndrojë në këtë vend.

Ata punojnë shumë dhe ndajnë vlera që ne i kemi të shenjta në Connecticut. Ne duhet t’i mirëpresim krahëhapur njerëzit si Denada në vendin tonë, jo t’i hedhim në rrugë për t’u përballur me një ardhme të pasigurt në një rajon të rrezikshëm. Kanë mbetur edhe katër ditë deri sa Denada është e detyruar të largohet nga ky vend. Nuk mund ta imagjinoj dhimbjen dhe pasigurinë që familjen e saj po ndjen. Connecticut është me ju, do të qëndrojë me ju. Bashkohuni në thirrje tonë që të pezullohet largimi nga vendi dhe në këtë mënyrë çështja mund të zgjidhet në Gjykatë”, thuhet në letrën e kongresmenes.

Ndërkohë, Denada bëri me dije se së fundmi ka bërë një tjetër kërkesë për azil me argumentet se Shqipëria është një vend i rrezikshëm. Ajo tha gjithashtu se djali i saj Nikolas është diagnostikuar me një çrregullim. Denada Rondos është urdhëruar që të hënën në orën 08:30 të jetë në aeroportin John F. Kennedy për t’u larguar nga vendi dhe aeroplani niset në orën 10:30. /Tirana Today

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 11.11.2017, 16:45  | T.E. | 1,815 i lexuar

 

© ZHURNAL.mk

 Më tepër 

MË TË LEXUAR
Incident në zyrën e kryetares së Haraçinës, Milikije Halimi
Keriman me të dashurin super seksi vishet njëjtë, e habisin një qytet
Bexheti: Peshorja e Taravarit është më e saktë në zgjedhje
« Video » Pas 6 vitesh, Ramkovski gjenë A1 në një katrahurë të vërtetë
« Raportet e mira Maqedoni - Bullgari » Bullgarët janë aleatë tradicional të shqiptarëve, Bullgaria shteti i vetëm ortodoks në Ballkan që ka njohur Kosovën
 


MARKETINGU    |    IMPRESUM    |    KONTAKT    |    ARKIVA

AGJENCIA E LAJMEVE "ZHURNAL"


E-mail: info @ zhurnal.al

maqedoniakosovashqiperiabotaekonomikronikasportkultureshowbizteknologji
© 2017 ZHURNAL
Të gjitha të drejtat e përmbajtjes në këtë portal janë të rezervuara.
Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.