Agjencia Zhurnal.KS
Bota

Erdoğan hap spitalin në Qipron Turke të ndërtuar për vetëm 45 ditë

Duke folur në ceremoninë e përurimit të spitalit, presidenti i Turqisë, Recep Tayyip Erdoğan tha: “Shenja më e rëndësishme e solidaritetit me TRNC-në është ky spital i urgjencës”

Presidenti i Turqisë, Recep Tayyip Erdoğan, sot mori pjesë në ceremoninë e hapjes së Spitalit të Urgjencës në Lefkosa në Republikën Turke të Qipros Veriore (TRNC), transmeton Anadolu Agency (AA).

Duke folur në ceremoninë e përurimit të spitalit, presidenti Erdoğan tha: “Shenja më e rëndësishme e solidaritetit me TRNC-në është ky spital i urgjencës”.

“Ne nuk do ta kishim përfunduar këtë spital për një kohë aq të shkurtër, për 45 ditë, nëse zemrat tona nuk do të ishin të bashkuara me TRNC-në”, shtoi ai.

Duke përmendur mbështetjen e Turqisë për TRNC-në, Erdoğan theksoi se Ankaraja zyrtare ka siguruar ndihma në vlerë prej 149 milionë lira turke (rreth 19 milionë dollarë) gjatë pandemisë së koronavirusit të ri.

“Ne u kemi ardhur në ndihmë vëllezërve tanë në Qipron Turke që nga fillimi i pandemisë. Ne siguruam të gjitha llojet e mbështetjes në fushën e shëndetësisë”, tha ai.

Ai më tej tha se një spital me 500 shtretër do të hapet gjithashtu së shpejti në TRNC.

Erdoğan qëndroi për vizitë në TRNC me rastin e përvjetorit të 37-të të themelimit të vendit.

Qiproja është ndarë që nga viti 1974, kur grushti i shtetit në Qipron Greke u pasua nga dhuna kundër turqve të ishullit dhe ndërhyrja e Ankarasë si një fuqi garantuese.

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...