Agjencia Zhurnal.KS
Showbiz

Fifi reagon rreth shkrimeve për jetën e saj private: Më keni prekur në familje dhe në sedër, e vetmja gjë konkrete është që ‘jam e dashuruar’

Këngëtarja Filloreta Raçi – Fifi, ka qenë disa herë e përfolur për jetën e saj private, ndonëse vet ka pranuar të qëndrojë në heshtje.

Së fundmi, temë në media u bë fakti se ajo po ndiqte vetëm një person në rrjetin social Instagram, i cili dyshohej të ishte i dashuri i saj – ndërsa tani ajo ka rritur numrin e personave që ndjek sërish në 54.

Prandaj, Fifi ka vendosur që të bëjë një reagim ndaj shkrimeve të shumta në media, duke thënë se arsyeja se pse po bëhen shkrime të tilla në drejtim të saj, është fakti që ajo po tregohet e mirë më shumë se që duhet.

“Shumë shpesh tregohem e papjekur…Shumë keq apo jo? Ama njeri pa gabime nuk ka. Mundohem me qenë e drejtë dhe harroj që në këtë botë plot me hijena duhet me qenë edhe lojtar…Kam treguar shumë copëza nga jeta ime, që janë interpretuar sipas çdo kujt siç kanë dashur. Gjynah apo jo? Njëjtë si çdo njeri në notë edhe unë edhe njerëzit që i involvoni nëpër media kemi ndjenja dhe prekni ndoshta ku s’duhet…e thash njëherë – Gabimi im që flas më shumë se ç’duhet”, ka shkruar Fifi në një postim.

Në një status tjetër të ndarë me ndjekësit në InstaStory, Fifi ka numëruar gabimet që ajo po bën lidhur me këtë çështje.

“Gabimi jem mbase që mundohem të jem me këmbë në tokë, e prekshme, sociale. Gabimi jem mbase që tregoj kur jam e lumtur…gabimi im që harroj që ekzistojnë njerëz që dojnë me prish punë…gabimi jem që jap më shumë se duhet mbase”, ka shkruar këngëtarja.

Më tej, ajo ka shkruar se do t’ju tregojë ndjekësve të saj kur të jetë koha e duhur të bëjë diçka publike për jetën e saj private.

“Jo shumë kohë më parë kam thënë në një status, që kur të kem gjëra konkrete do ju them vet personalisht…dhe e vetmja gjë konkrete është që ‘Jam e dashuruar’. Ndërkohë zonja dhe zotërinjve m’keni prek në familje, më keni prekur në kallo (sedër)”, ka shkruar Fifi.

Për fund, artistja u shpreh se shkrime të tilla e kanë prekur atë në pikat e saj të dobëta.

“Kam shumë nevojë të shoh të shkruhet për muzikën time…Ndërkohë është aji im absolutisht që kam dhënë copëza. Dhe ky është statusi i fundit që unë shkruaj për çështje të jetës time personale…nuk do them as edhe bnjë fjalë më të voglën mbi këtë gjë as me status as në intervista as në live, as në asnjë vend. Me shumë dashuri, Fifi. PS: Kënga ‘Ninullë dashnie’ vjen këtë javë”, ka shkruar Fifi, teksa ka paralajmëruar ardhjen e këngës së saj të re.

Postime të ngjashme

Motra e Dua Lipës, Rina bëhet imazh i fushatës së re reklamuese të pijes “Coca-Cola”

S.B.

Princi Harry me punë të re në organizatën bamirëse “BetterUp”

S.B.

Ka vdekur aktori George Segal

S.B.

Bebe Rexha dhe marka e atleteve “Puma” bashkëpunojnë në koleksionin “Power”

S.B.

Kim Kardashian ndërton një qytezë në miniaturë në rezidencën e saj luksoze në Kaliforni

S.B.

Dua Lipa së shpejti do të sjellë një këngë të re, shpreson të mbajë turne në shtator

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...