Agjencia Zhurnal.KS
Maqedoni TOP LAJM

Gjenero: Pa Amerikën, Mali i Zi, Maqedonia e Kosova do të mbeteshin në mëshirën e Vuçiqit

Zagreb, 4 nëntor – Analisti kroat Davor Gjenero, në një tekst autorial rreth ndikimit të rezultatit të zgjedhjeve presidenciale në ShBA në Ballkan, shkruan se kërcënimi më i madh për sigurinë e Evropës është koncepti i Trumpit për të shtyrë euroatlantizmin, deri në atë masë sa është i gatshëm t’i tërheqë ShBA-të nga aleanca e NATO-s.

Sikur të ndodhte kjo, i tërë sistemi i sigurisë kolektive në Evropë do të shembej, ndërsa në Ballkan në mënyrë dramatike do të forcohej ndikimi i atyre që veprojnë si klientë të Kremlinit, pra, sidomos Serbisë. Pa sistemin e sigurisë kolektive, para së gjithash, Mali i Zi, e sigurisht edhe Maqedonia e Kosova, do të lëheshin në mëshirën a pamëshirën e Vuçiqit, deri sa BeH-ja do të gëzonte mbështetje pak më të fortë të Evropës në sovranitetin e saj. Në Ballkan do t’u hapeshin dyert tre nacionalizmave shtetomëdhenj, para së gjithash atij serb, pastaj shqiptar, e deri në njëfarë mase edhe atij kroat, të cilin megjithatë e kufizon fakti se politika kroate, së paku ajo mbizotëruese, centriste, ka përvetësuar standardet bazike evropiane, e ndër to edhe parimin për mosndryshimin e kufijve’, shkruan Gjenero.

Sipas tij, është e qartë se edhe Evropa me shpejtësi do të zhvillonte kapacitetet e saj dhe do të përkufizonte strategjinë e sigurisë kolektive në kontinent, por klientët e Putinit do të kishin derën hapur për realizimin e prioriteteve të tyre në kohën deri sa sistemi të mos jetë konsoliduar.

Ky është ndryshimi kryesor për Ballkanin midis zgjidhjes në të cilën Trump mbetet në pushtet dhe asaj në të cilën Biden arrin jo vetëm të fitojë shumicën e votave, por edhe shumicën e mandateve elektorale dhe ta mbrojë atë fitore përpara Gjykatës së Lartë të favorizuar nga Trumpi. Gjithçka tjetër është nuancë. Është e qartë se, edhe nëse Bideni fiton, fokusi i politikës së jashtme amerikane do të jetë Paqësori, jo Atlantiku.

Amerika ka vlerësuar se Rusia nuk është në të vërtetë një rival në kuptimin e vërtetë të fjalës, edhe pse Bideni flet shumë qartë për kuptimin në të cilin Vladimir Putin është rrezik për botën demokratike. Kinën Bideni e trajton si konkurrencë, dhe në vend të luftërave tregtare të zhvilluara nga Trump, ai do të kërkonte një zgjidhje evropiane duke rregulluar rregullat e lojës në treg. Është akoma më shumë çështje stili sesa përmbajtje, por kur bëhet fjalë për qëndrimin ndaj atlantizmit dhe sigurisë kolektive në Evropë, ndryshimi midis këtyre dy kandidatëve është thelbësor, jo “stilistik”.

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...