Agjencia Zhurnal.KS
Kosovë

Haradinaj-Stublla: Kërcënimet hibride ruse e serbe rreth dialogut po e dëmtojnë arritjen e marrëveshjes për njohje reciproke

Prishtinë, 16 nëntor, zhurnal-ks – Ministrja e Punëve të Jashtme dhe Diasporës, Meliza Haradinaj-Stublla, sot mori pjesë në konferencën e Koalicionit të Lirisë së Mediave, i cili u mbajt në nivel ministror, ku shprehu domosdoshmërinë për ndërmarrjen e veprimeve të përbashkëta kundër kërcënimeve hibride, siç janë dezinformimi dhe veprimet e lajmeve të rreme.

Kosova është shënjestër e vazhdueshme e një vale masive dezinformomi dhe lajmesh të rreme, të nxitura nga aktorë të huaj në përpjekjet për të ndikuar në debatin e brendshëm dhe rajonal, theksoi të hënën ministrja e Punëve të Jashtme dhe Diasporës, Meliza Haradinaj-Stublla, në konferencën e Koalicionit të Lirisë së Mediave.

Para një paneli të zgjedhur ministrash e ekspertësh të njohur të fushës, midis të cilëve ministri i Jashtëm i Kanadasë, François-Philippe Champagne, Sekretari i Shtetit për Punët e Jashtme të Mbretërisë së Bashkuar Dominic Raab, Ministri i Jashtëm i Gjermanisë, Heiko Maas, Ministri i Jashtëm i Zvicrës, Ignazio Cassis dhe Ministri i Jashtëm i Holandës Stef Blok etj.., ministrja Haradinaj-Stublla ngriti problemin që ka rajoni i Ballkanit Perëndimor me lajmet hibride.

Ajo tha se Kosova është një shënjestër e vazhdueshme e një vale masive dezinformimi dhe lajmesh të rreme, të nxitura nga aktorë të huaj në përpjekjet për të ndikuar në debatin e brendshëm dhe rajonal.

“Përmes lajmeve të rreme synohet të luhet me ankthet dhe emocionet e njerëzve duke rrezikuar mjedisin e qëndrueshëm të sigurisë në Kosovë dhe qetësinë publike. Pandemia Covid19 ka lejuar më shumë terren dhe hapësirë që ky synim destruktiv të përparojë me një ritëm alarmant”, u shpreh ajo, duke shtuar se “informacioni i rremë dhe mashtrues, i sponsorizuar nga Rusia dhe Serbia, kryesisht rreth dialogut Kosovë – Serbi dhe zhvillimeve gjeopolitike në Ballkanin Perëndimor, po synon të dëmtojë kohezionin etnik dhe është kundërproduktiv ndaj përpjekjeve të SHBA-ve dhe BE-së për arritjen e një marrëveshjeje përfundimtare për njohje reciproke, në kufijtë ekzistues”.

Ky ishte takimi parë në nivel ministror i Koalicionit të Lirisë së Medias, i përbërë nga një grup prej 37 vendesh ku Republika e Kosovës është anëtare e plotë dhe e barabartë.

Postime të ngjashme

Humbin jetën edhe 17 persona nga coronavirusi në Kosovë – konfirmohen 781 raste të reja

S.B.

Haradinaj: Nuk kishim tjetër zgjidhje pos të përballemi me Serbinë

S.B.

Edita Tahiri reagon ndaj deklaratës së Edi Ramës për Kosovën

S.B.

Kurti bën homazhe te varret e presidentit Ibrahim Rugova dhe veprimtarit Adem Demaçi

S.B.

Seanca e Gjykatës së Hagës, avokati i Thaçit: Na jepni materialet që kërkojmë

S.B.

Hoxhaj përkujton 22 vjetorin e bombardimeve të NATO-s: Mision historik në mbrojtjen e të drejtave të qytetarëve për liri

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...