Agjencia Zhurnal.KS
Maqedoni

Ish deputetët: Nuk ka patur plan për dhunë në natën e 27 prillit në Kuvend

Shkup, 4 shtator – Zhurnal.mk – Nuk ka ekzistuar plan për dhunë në seancën konstituive më 27 prill 2017, dëshmuan sot një pjesë e deputetëve të cilët janë thirrur nga mbrojtja e ish-kryetarit të Kuvendit, Trajko Veljanoski.

Koordinatori aktual i grupit të deputetëve të VMRO-DPMNE-së, Nikolla Micevski, i cili edhe në përbërjen kuvendore paraprake e kishte funksionin e njëjtë, para gjykatës deklaroi se askush nuk e ka informuar për ndonjë plan, e as për këtë nuk ishte biseduar në koordinimin në Kuvend.

“As nuk kemi pasur ndonjë informacion e as dikush tek koordinimi nuk ka informuar për ndonjë plan. Përkundrazi, në koordinimet e shumta në atë moment na u tha të kemi kujdes nga çfarëdo provokimi verbal ose ndonjë provokim tjetër”, tha Micevski.

Edhe deputeti Panço Minov theksoi se nuk ka pasur njohuri për ndonjë plan për rrezikimin e rendit kushtetues në shtet.

Dragan Danev i VMRO-DPMNE-së, i cili gjithashtu u thirr si dëshmitar i mbrojtjes, tha se Veljanoski nuk e ka shkelur Rregulloren për punë të Kuvendit.

Në seancën e sotme dëshmojnë disa deputetë të përbërjes kuvendore paraprake të cilët janë thirrur nga Mbrojtja e Trajko Veljanoskit.

Në seancën e fundit më 26 gusht me propozimin e Veljanoskit, u prezentua një video nga vazhdimi i seancës konstituive të Kuvendit më 27 prill 2017.

Rasti ndodhet në procedurë dëshmuese dhe e udhëheq gjykatësi Ilija Trajkov.

Të akuzuar në këtë lëndë janë ish-kryetari i Kuvendit, Trajko Veljanoski, ish-ministrat e Transportit dhe Lidhjeve dhe Arsimit, Mile Janakievski dhe Spiro Ristovski si edhe ish-drejtori i DSK-së, Vladimir Atanasovski.

Ata ngarkohen se kanë kryer vepër penale “rrezikim terrorist të rendit kushtetues dhe sigurisë”.

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...