Agjencia Zhurnal.KS
Shqipëri

Ish-komandanti: Në Shqipëri nuk ka pasur kampe torturash për të burgosur

Ish-komandanti i divizionit të Kukësit Kudosi Lame rrëfen se çfarë ndodhi në tre ditët e luftimeve në veri të Shqipërisë me artileri të rëndë ndaj forcave të Milloshevicit. Lame tregon se serbët u futën në territorin shqiptar, por përgjigja që morën bëri që të iknin nga sytë këmbët.

“Ata hynë në territorin tonë. Territorin që kishin zënë forcat serbe dhe ishin rreth 400 forca gjithsej, ne e rrahëm pesë orë me artileri dhe tanke, deri kur dheu filloi të merrte flakë dhe pastaj kemi sulmuar mbi ta. Unë mendoj që ata patën shumë humbje, aq shumë sa nuk e kanë imagjinuar dhe ne arritëm t’ju mbajmë gjithçka që kishin me vete, deri te çantat e bukës, pa folur për armë, helmeta dhe gjithçka. I ngarkuam në tre makina dhe i çuam atje ku duhet për t’i çuar materialet. Ikën nga sytë këmbët” tha ai.

Ai thotë se është krenar që është ish-luftëtar i UÇK. “Unë e kam deklaruar, jam luftëtar i UÇK-së dhe jam krenar që jam veteran i asaj lufte”. I zhgënjyer me Gjykatën e Hagës, ish-komandanti shprehet se “Nuk e kam ditur që kjo gjykatë nuk është gjykatë drejtësie, por gjykatë politike”.

Kudosi Lame mohon kategorikisht që të ketë pasur në Shqipëri kampe për robërit apo torturash. “Ka pasur qendra të trajnimit dhe furnizimit të luftëtarëve, por kampe për të mbajtur të burgosur nuk ka pasur” tha ai duke rrëzuar akuzat e Hagës. Gjatë intervistës ish-komandanti rrëfen një episod kur kërkoi që t’i çonin një serb të gjallë në zyrë. “Kur të vijë ora 6 nesër në darkë dua një serb rob, të gjallë në zyrë. Dhe kur erdhi ora 6 e mëngjesit ai erdhi dhe e solli robin të gjallë në divizion”.

Por cfarë ndodhi me serbin? “Unë nuk u mora fare. Mua nuk më interesonte të takoja një rob. Unë kisha interes tjetër, atë e mori SHIK, SHIU në pyetje, deri në orën 2, më pas pushoi pak, hëngri bukë, dhe i thashë Nasimit, merre këtë, i kemi lajmëruar të gjitha mediat, dilni në qendër të Kukësit dhe dorëzojani OSBE-së. Dhe ai doli në qendër të Kukësit ia dorëzoi OSBE-së robin serb. UÇK-ja i dorëzonte robërit”.

Ai kujton edhe njëherë momentin kur u futën forcat e NATO-s në Kosovë dhe lotët e gëzimit. “Unë kam qenë, kam shoqëruar kolonën gjermane deri në kufi, te trau jam ndaluar dhe ata kaluan matanë. Realisht, ajo kohë për mua ka qenë shumë domethënëse, por unë e kam përjetuar pak më vonë këtë. Në datën 20 unë do të shkoja në Dukagjin por këtë radhë nuk doja të shkoja malit, por rrugës. Shkova në Morinë, mora makinën dhe shkova atje ku ishte komanda, ku ishte Ramushi. Për mua ajo ditë ka qenë e jashtëzakonshme, pasi nuk i ndalja dot lotët nga Morina në Deçan” deklaroi ai.

Postime të ngjashme

Stërvitja e NATO-s në Shqipëri një ditë pas zgjedhjeve, Peleshi: Jo thjesht një stërvitje, ja çfarë domethënie ka për vendin

S.B.

“Kufizimet nuk ndryshojnë”, Komiteti Teknik i Ekspertëve: Masat në fuqi edhe për 2 javë të tjera

S.B.

Rama-Manastirliu nga Kamza: Finalizohet marrëveshja për vaksinat kineze, javën që vjen nis vaksinimi masiv

S.B.

SHBA dhuron 29 mjete të blinduara për Forcat e Armatosura të Shqipërisë

S.B.

“Hajde themi Rama ik”/ Rama në Kamëz me fëmijët, batuta: Jepu një Iphone Rakip ta shohësh sa prapa je

S.B.

Grida Duma padit Erion Veliajn për shpifje

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...