Agjencia Zhurnal.KS
Shqipëri

KE nënshkruan kontratën për 500 mijë doza me “Remdesivir”, përfiton edhe Shqipëria

Një kontratë e përbashkët është nënshkruar mes kompanisë farmaceutike “Gilead” dhe Komisionit Europian për furnizimin deri në 500,000 doza me Remdesivir, sipas një deklarate nga Komisioni Evropian.

Janë 36 nënshkrues të Marrëveshjes së Përbashkët të Prokurimit që marrin pjesë në këtë prokurim të përbashkët, duke përfshirë të gjitha vendet e BE-së, vendet e Zonës Ekonomike Evropiane, Mbretërinë e Bashkuar, si dhe gjashtë vende kandidate dhe potenciale, Shqipëria, Maqedonia Veriore, Mali i Zi, Mali i Zi, Kosovë dhe Bosnjë dhe Hercegovinë.

Të gjitha vendet pjesëmarrëse tani mund të bëjnë porosi për “Veklury” emri i markës Remdisivir. Veklury aktualisht është i vetmi produkt medicinal i licencuar me kusht në BE për trajtimin e pacientëve me COVID-19 që kanë nevojë për oksigjen.

Stella Kyriakides, Komisioneri për Shëndetin dhe Sigurinë e Ushqimit, tha se “sot ne kemi siguruar Remdesivir për të trajtuar deri në 500.000 pacientë në nevojë. Përmes Prokurimit tonë të Komunitetit, ne fuqizojmë vendet në të gjithë Evropën që të bashkojnë forcat dhe të fitojnë akses në pajisje dhe ilaçe jetësore. Ne jemi gjithmonë më të fortë së bashku dhe kjo është solidariteti evropian në veprim kundër COVID-19.”

Nënshkrimi i këtij kuadri të përbashkët të prokurimit pason kontratën e Komisionit me “Gilead” për të siguruar 33,380 doza të “Veklury” shpërndarë në të gjithë BE dhe Mbretërinë e Bashkuar që nga gushti. Kjo kontratë u financua nga Faciliteti i Ndihmës Emergjente i Komisionit (ESI), në vlerë prej 70 milion €.

Postime të ngjashme

Stërvitja e NATO-s në Shqipëri një ditë pas zgjedhjeve, Peleshi: Jo thjesht një stërvitje, ja çfarë domethënie ka për vendin

S.B.

“Kufizimet nuk ndryshojnë”, Komiteti Teknik i Ekspertëve: Masat në fuqi edhe për 2 javë të tjera

S.B.

Rama-Manastirliu nga Kamza: Finalizohet marrëveshja për vaksinat kineze, javën që vjen nis vaksinimi masiv

S.B.

SHBA dhuron 29 mjete të blinduara për Forcat e Armatosura të Shqipërisë

S.B.

“Hajde themi Rama ik”/ Rama në Kamëz me fëmijët, batuta: Jepu një Iphone Rakip ta shohësh sa prapa je

S.B.

Grida Duma padit Erion Veliajn për shpifje

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...