Agjencia Zhurnal.KS
Bota

Korea e Veriut ka 60 armë bërthamore dhe 1 milionë ushtarë gati për luftë

Një raport i fundit i një agjencie analistësh të Pentagonit thotë se Korea e Veriut ka rreth 60 mbushje luftarake bërthamore dhe 1.2 milionë ushtarë gati për luftë.

Raporti i Institutit të Studimeve Strategjike shtonte më saktësisht në dokumentin “Vlerësimi Strategjik 2020” se regjimi i Kim Jong-un ka nga 15 deri në 60 armë bërthamore dhe 650 raketa balistike, me të cilat mund të godasë qytete në Korenë e Jugut e madje në Kinën Lindore.

Raporti paralajmëron se vendi “ka testuar raketa balistike që mund të godasin Shtetet e Bashkuara”, sipas agjencisë koreano-jugore Yonhap.
Së bashku me arsenalin bërthamor të Koresë së Jugut, raporti thotë se rreth 1.2 milionë ushtarë janë “të dislokuar në zonën e demilitarizuar në pozicionime ofensive”.

Mbretëria heremite ka ndërtuar armatimet e saj me anë të tregtisë dhe shkëmbimeve teknologjike me Kinën dhe Iranin, thuhet në raport.

Më herët Departamenti amerikan i Shtetit ka thënë se Korea e Veriut është vendi i tretë në botë për zotërimin e agjentëve kimikë luftarakë, me rreth 2,500-5,000 ton nga 20 tipe të ndryshme prej tyre.

Autorët e raportit thonin se sipas taktikave koreano-veriore, shkencëtarët e Kim kanë punuar për kthimin në armë të sëmundjeve si antraks e lia, madje dhe për montimin e tyre të mundshëm në raketa kundër Koresë së Jugut apo SHBA.

Presidenti koreano-jugor Moon Jae-in dhe ai i zgjedhur në SHBA Joe Biden kanë pranuar tashmë të punojnë për zgjidhjen e çështjes bërthamore koreano-veriore.

Biden e ka përshkruar Korenë e Jugut si një ‘kollonë sigurie’ në rajon në një bisedë që ata kryen në 12 nëntor, sipas zëdhënësit të Moon, Kang Min-seok.

Moon i kërkoi Biden të “komunikojnë nga afër” për çështjen e denuklearizimit të gadishullit korean.

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...