Agjencia Zhurnal.KS
Bota

Kryeministri izraelit do ta vizitojë Emiratet e Bashkuara Arabe

Kryeministri izraelit Benjamin Netanyahu planifikon të udhëtojë në Emiratet e Bashkuara Arabe (EBA) në dhjetor për vizitën e tij të parë zyrtare, njoftuan mediat izraelite, transmeton Anadolu.

Vizita e ardhshme vjen me ftesë zyrtare të Princit të Kurorës së Abu Dhabit, Mohammed bin Zayed Al Nahyan, bëri të ditur e përditshmja izraelite “Yedioth Ahronoth”.

Uebfaqja hebraike “Walla” muajin e kaluar citoi zyrtarë izraelitë të kenë thënë se Netanyahu nuk lejoi udhëtimin e ministrave të kabinetit të tij në EBA para se të udhëtonte ai vet së pari.

Faqja e internetit, duke cituar tre zyrtarë të paemëruar, tha se një numër ministrash kontaktuan zyrën e Netanyahut dhe e informuan atë për interesin e tyre për të vizituar EBA-në për të zhvilluar takime me homologët e tyre dhe për të rritur bashkëpunimin midis dy vendeve.

Midis ministrave që donin të udhëtonin në EBA ishte ministrja e Transportit Miri Regev.

Megjithatë, Netanyahu hodhi poshtë kërkesat e ministrave të tij pasi ishte i interesuar të ishte politikani i parë izraelit që viziton EBA-në pas nënshkrimit të marrëveshjes së normalizimit.

Më 12 tetor, Netanyahu foli në telefon me Mohammed bin Zayed dhe ata ftuan njëri-tjetrin për vizita.

Më 15 shtator, EBA dhe Bahreini nënshkruan marrëveshje për normalizimin e plotë të marrëdhënieve me Izraelin, veprim ky që ngjalli zemërim midis palestinezëve.

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...