Agjencia Zhurnal.KS
Bota

Libianët nënshkruajnë marrëveshje për kriteret mbi pozicionet sovrane

Delegacionet e Këshillit të Lartë Libian të Shtetit dhe Dhomës së Përfaqësuesve me bazë në Tobruk nënshkruan sot një projekt-marrëveshje mbi kriteret për emërimet në pozicionet sovrane, raporton Anadolu Agency (AA).

Sipas korrespondentit të AA-së, ceremonia e nënshkrimit u zhvillua pas përfundimit të raundit të dytë të bisedimeve të mbajtura në Marok.

Marrëveshja e sotme ka të bëjë me zbatimin e Nenit 15 të Marrëveshjes Skhirat e cila u nënshkrua më 17 dhjetor 2015 po ashtu në Marok.

Artikulli tregon në paragrafin e tij të parë se “Dhoma e Përfaqësuesve konsultohet me Këshillin e Shtetit për të arritur konsensus mbi personat e emëruar në pozicionez udhëheqëse në postet e mëposhtme sovrane: Guvernatori i Bankës Qendrore të Libisë, Shefi i Zyrës së Revizioniz, Shefi i Autoritetit të Kontrollit Administrativ, Shefi i Antikorrupsionit, Presidenti dhe anëtarët e Komisionit të Lartë Zgjedhor, Presidenti i Gjykatës Supreme dhe Prokurori i Përgjithshëm”.

Paragrafi i dytë i nenit përcakton se aprovimi i dy të tretave të Dhomës së Përfaqësuesve kërkohet për emërimet.

Për shkak të ndarjes së madhe në vend midis lindjes dhe perëndimit, shumica e këtyre institucioneve sovrane, nëse jo të gjitha, janë bërë të ndara, me dy udhëheqës.

Megjithatë, në mesin e institucioneve të tjera jo-sovrane që mund t’i nënshtrohen të njëjtit mekanizëm emërimi përfshijnë Korporatën Kombëtare të Naftës dhe Korporata Libiane e Investimeve, duke pasur parasysh peshën e tyre ekonomike dhe financiare dhe konkurrencën e fortë mbi to.

Libia është zhytur në konflikt të brendshëm pasi operacionet e NATO-s çuan në rrëzimin e ish-udhëheqësit disa dekadësh Muammar Gaddafi në vitin 2011.

Qeveria e Pajtimit Kombëtar u themelua katër vjet më vonë në vitin 2015 nën marrëveshjen e udhëhequr nga OKB-ja, por përpjekjet për zgjidhje politike afatgjate deri më tani kanë dështuar për shkak të sulmeve të komandantit jolegjitim Khalifa Haftar.

Përpjekjet diplomatike janë zhvilluar javët e fundit për të zgjidhur konfliktin libian pas fitoreve nga ushtria libiane kundër milicive të Haftarit.

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...