Agjencia Zhurnal.KS
Shqipëri

Manastirliu në Zall Bastar: Rindërtimi i qendrave shëndetësore me standard të njejtë në qytete dhe në zonat më të thella

Gjatë inspektimit të punimeve për rindërtimin e qendrës shëndetësore të Zall Bastarit, në skajin veri-lindor të Tiranës, Ministrja e Shëndetësisë dhe Mbrojtjes Sociale, Ogerta Manastirliu deklaroi se trajtimi i pacientëve me Covid19 do të vijojë pa u ndalur edhe nga mjekët e familjes.

Pavarësisht situatës së shkaktuar nga COVID19, investimet në shëndetësi po vijojnë, për rindërtimin e qendrave të kujdesit parësor nga veriu në jug të vendit.

Ministrja e Shëndetësisë dhe Mbrojtjes Sociale Ogerta Manastirliu inspektoi sot punimet në qendrën shëndetësore të Zall Bastarit, një zonë e thellë në skajin verilindor të Tiranës, ku ka nisur puna për rindërtimin nga themelet të kësaj qendre.

“E kemi treguar me vepra dhe jo me fjalë që investimet në kujdesin parësor janë investime cilësore Nuk e kemi ndalur punën pë rindërtimin e qendrave të kundesit parësor nga veriu në jug të vendit dhe jam e kënaqur që edhe në këtë zonë të thellë, po rindërtojmë infrastrukturën e kujdesit parësor me të njëjtin standard, si në qytete edhe në zonat më të thella”, tha Manastirliu.

Duke theksuar se strategjia e kujdesit parësor përfshin zgjerimin e shërbimeve, Manastirliu tha se në qendrat shëndetësore do të përfshihen edhe shërbime sociale për banorët, sidomos në zonat e thella.

Duke vlerësuar punën e mjekëve të familjes, Ministrja e Shëndetësisë tha se po trajtohen me përparësi pacientët me COVID19 edhe nga mjekët e familjes.

“Mjekët dhe infermierët po vijojnë pa u ndalur duke ofruar shërbime për të gjithë banorët, duke trajtuar edhe pacientë me COVID19 sipas protokolleve tashmë të përcaktuara të mjekimit”.

Në kuadër të programit kombëtar të 300 qendrave shëndetësore në bashkinë Tiranë u rikonstruktuan dhe u pajisën me aparaturat e nevojshme për vitet 2018 – 2019, 24 qendra shëndetësore dhe ambulanca me investim nga buxheti i shtetit. Për vitin 2020 në bashkinë Tiranë do ti nënshtrohen rehabilitimit edhe 13 qendra të kujdesit parësor.

Postime të ngjashme

Stërvitja e NATO-s në Shqipëri një ditë pas zgjedhjeve, Peleshi: Jo thjesht një stërvitje, ja çfarë domethënie ka për vendin

S.B.

“Kufizimet nuk ndryshojnë”, Komiteti Teknik i Ekspertëve: Masat në fuqi edhe për 2 javë të tjera

S.B.

Rama-Manastirliu nga Kamza: Finalizohet marrëveshja për vaksinat kineze, javën që vjen nis vaksinimi masiv

S.B.

SHBA dhuron 29 mjete të blinduara për Forcat e Armatosura të Shqipërisë

S.B.

“Hajde themi Rama ik”/ Rama në Kamëz me fëmijët, batuta: Jepu një Iphone Rakip ta shohësh sa prapa je

S.B.

Grida Duma padit Erion Veliajn për shpifje

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...