Agjencia Zhurnal.KS
Kosovë

Mbi 30 mijë kosovarë shkuan në Shqipëri në fundjavë

Në Pikën e Kalimit Kufitar të Morinës edhe pse fundjava e parë e muajit shtator vijon të ketë fluks të shtetasve të Kosovës drejt plazheve shqiptare.

Prefekti i qarkut të Kukësit, Zenel Kuçana, tha sot se “që prej orës 00:00 deri në orën 09:00 të mëngjesit të sotëm në Morinë kane hyrë gjithsej 16 680 shtetas dhe 3358 automjete”.

Sipas tij, situata në pikën doganore është mirëmenaxhuar pa krijuar pritje në radhët e pasagjerëve duke punuar me kapacitete të plota dhe intensitet të lartë.

Prefekti Kuçana u shpreh se edhe ditën e djeshme ka patur fluks lëvizjesh në kufirin mes dy vendeve, 13 578 shtetas të huaj dhe 4281 mjete dhe 2482 shtetas shqiptarë dhe 1370 mjete”.

“Policia Rrugore, për të parandaluar aksidentet ka shtuar prezencën e Policisë Rrugore në rrugën e kombit”, shtoi Prefekti Kuçana për ATSH-në.

Që prej daljes nga izolimi për shkak të pandemisë çdo fundjavë që prej qershorit pushuesit nga Kosova kanë zgjedhur bregdetin shqiptar për të kaluar fundjavën.

Pika kufitare e Morinës është një pikë shumë e rëndësishme duke qenë se përpunon numrin më të madh të vizitorëve gjatë vitit. Shqiptarët e Kosovës, vijojnë të kryesojnë me fluksin më të madh të vizitorëve që kanë hyrë në Shqipëri përmes kësaj pike doganore.

Postime të ngjashme

Humbin jetën edhe 17 persona nga coronavirusi në Kosovë – konfirmohen 781 raste të reja

S.B.

Haradinaj: Nuk kishim tjetër zgjidhje pos të përballemi me Serbinë

S.B.

Edita Tahiri reagon ndaj deklaratës së Edi Ramës për Kosovën

S.B.

Kurti bën homazhe te varret e presidentit Ibrahim Rugova dhe veprimtarit Adem Demaçi

S.B.

Seanca e Gjykatës së Hagës, avokati i Thaçit: Na jepni materialet që kërkojmë

S.B.

Hoxhaj përkujton 22 vjetorin e bombardimeve të NATO-s: Mision historik në mbrojtjen e të drejtave të qytetarëve për liri

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...