Agjencia Zhurnal.KS
Sport

Mbrojtësi i Kroacisë del pozitiv për COVID-19 gjatë ndeshjet me Turqinë, zëvendësohet

Qendërmbrojtësi i Kroacisë, Domagoj Vida, u zëvendësua në pushimin mes pjesëve gjatë ndeshjes miqësore me Turqinë të mërkurën, pasi kishte dalë pozitiv në testin për COVID-19.

Vida, megjithatë, kishte dalë negativ bashkë me pjesën tjetër të kombëtares kroate në testin e bërë të hënën.

Në testin e bërë në mëngjesin e ditës së ndeshjes të mërkurën, e cila u mbyll baras 3:3, Vida doli pozitiv dhe rezultatin e kuptoi kur ishte duke luajtur.

Si pasojë, 31-vjeçari – i cili luan për Besiktasin, u nxor nga loja në pushimin mes pjesëve dhe u fut në karantinë dhe infektimi i tij me koronavirus u konfirmua pas një testi tjetër urgjent.

Federata e Futbollit e Kroacisë e zbuloi këtë pas ndeshjes dhe këmbënguli se i është përmbajtur protokollit të UEFA-s.

“Shërbimi mjekësor i ekipit kombëtar të Kroacisë e mori një njoftim fillestar gjatë pushimit mes pjesëve se kishte një rezultat pozitiv. Kjo është procedurë e zakonshme e testimit dhe gjetjet e dyshimta ritestohen për ta konfirmuar rezultatin”, thuhet në njoftimin e federatës kroate.

“Vida do t’i kalojë ditët e ardhshme në vetizolim në Stamboll, në përputhje me rregulloret”, thuhet tutje në njoftim.

Postime të ngjashme

Policia i merr në pyetje zyrtarët e Kombëtares për rastin Muric-Zhegrova

M O

Nedved, kategorik

M O

Zyrtare: Sami Sermaxhaj emërohet trajner i Drenicës

M O

Coutinho-Odegaard, projektohet shkëmbimi

M O

Sonte miqësorja Kosovë – Lituani

M O

Vetëm pesë lojtarë nuk janë në shitje te Juventusi

M O

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...