Agjencia Zhurnal.KS
Maqedoni

Ministri Shaqiri priti në takim ambasadorin sllovak, Markush: Diskutohet përvoja e digjitalizimit

Shkup, 4 nëntor, zhurnal.mk – Përvojat dhe njohuritë sllovake, në aspekt të digjitalizimit të administratës publike, ishin në fokus të takimit të sotëm të punës ndërmjet ministrit të Shoqërisë Informatike dhe Administratës Jeton Shaqiri dhe ambasadorit të Republikës së Sllovakisë Henrik Markush.

Të dy bashkëbiseduesit diskutuan lidhur me proceset reformuese dhe bashkëpunimin bilateral, veçanërisht për mbështetjen që merr Republika e Maqedonisë së Veriut nëpërmjet ,,Ndihmës sllovake” (Slovakia Aid).

Sot, ambasadori Markush, ministrit Shaqiri ia prezantoi projektin: ,,Transferim i njohurive për digjitalizim të administratës publike”, i cili ka për qëllim bartjen e përvojave reformuese të Sllovakisë dhe mbështetjen për funksionimin efikas të administratës shtetërore në sferën e digjitalizimit, në përputhje me procesin integrues të Bashkimit Evropian.

Ministri Shaqiri, shprehu kënaqësinë që nëpërmjet raportit të partneritetit do të vendoset bashkëpunim dhe do të shkëmbejnë përvoja të rëndësishme nëpërmjet aktiviteteve të propozuara, duke përfshirë edhe punëtoritë, në të cilat do të marrin pjesë të punësuarit e administratës publike. Rezultatet e projektit përfshijnë sigurim më efikas të shërbimeve elektronike, rekomandime të zhvillimit të sistemeve për sigurinë e informacioneve si dhe interoperabilitet, por do të shërbejë edhe si udhërrëfyes ndaj hapave të domosdoshëm në aspekt të legjislacionit dhe mbështetjes organizative.

Njëkohësisht, ministri Shaqiri iu falënderua ambasadorit sllovak Markush për ofrimin e mbështetjes së Republikës së Sllovakisë në aspekt të integrimt të vendit tonë në Bashkimin Evropian, duke potencuar se përvojat sllovake janë të një rëndësie të veçantë.

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...