Agjencia Zhurnal.KS
Kuriozitete Teknologji

Njerëzit në Japoni janë duke hipur në aeroplanët e rremë për të bërë pushime virtuale nëpër botë

Biznesmeni japonez Katsuo Inoue zgjodhi Italinë për pushimet verore të këtij viti dhe ai i shijoi ato përmes një kabine të klasës të parë, por nuk e ka lënë asnjëherë Tokion.

Inoue, 56-vjeç dhe gruaja e tij “fluturuan” si klientë të kompanisë argëtuese Tokio First Airlines, e cila po fut në një treg në rritje një realitet udhëtimesh për pushuesit japonezë të bazuar nga kufizimet e coronavirusit, transmeton Telegrafi.

“Unë shpesh shkoj jashtë shtetit për biznes, por nuk kam qenë në Itali”, i tha ai Reuters. “Përshtypja ime ishte mjaft e mirë sepse kisha një mundësi që të shoh gjërat në të vërtetë atje”.

Udhëtarët ulen në vendet e klasës së parë ose të biznes klasë në një kabinë ajrore të improvizuar, ku shërbehen vakte dhe pije gjatë fluturimit, me ekranet e panelit të sheshtë që shfaqin pamjet e jashtme të avionëve, përfshirë retë që kalojnë.

Syzet e realitetit virtual ofrojnë turne gjithëpërfshirëse në shumë destinacione, përfshirë Italinë, Francën, SHBA-të dhe Hawaiin.

Coronavirusi ka ndaluar fluturimet nga Japonia. Linja ajrore më e madhe e vendit, ANA Holdings, tha se numri i fluturimeve në destinacione të huaja ra me 96 për qind në qershor.

Shoqata Ndërkombëtare e Transportit Ajror (IATA) parashikoi muajin e kaluar se do të zgjaste deri në vitin 2024 që numrat globale të pasagjerëve të rikuperohen.

Në First Airlines, ku “pasagjerëve” u jepet edhe një demonstrim i sigurisë para-fluturimit me një jelek dhe maskë oksigjeni, prenotimet u rriten rreth 50 për qind që nga fillimi i pandemisë, sipas kompanisë.

“Ne kemi disa klientë që normalisht udhëtojnë në Hawaii çdo vit dhe ata mund të provojnë disa prej tyre këtu”, tha presidenti i saj, Hiroaki Abe.

Postime të ngjashme

Zgjidhni një flutur dhe zbuloni anët e fshehura të personalitetit tuaj

S.B.

Tesla pranon bitcoin për shitjen e veturave

S.B.

Nusja e bllokuar nga përmbytjet në Australi dërgohet me helikopter në dasmë

S.B.

Një “Rapunzel” në jetën reale, nuk i shkurtoi flokët për 17 vjet

admin

Ja si do të duket qyteti i parë në Mars!

admin

Përdoruesit e Android-it raportojnë një numër problemesh me aplikacionet e tyre – ja si të zgjidhet problemi

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...