Agjencia Zhurnal.KS
Bota

Nju Jorku vendos kufizime të reja për luftim të koronavirusit

Nju Jorku ka prezantuar kufizime të reja për koronavirus, teksa numri i rasteve të infektimit rritet me ritëm të shpejtë.

Guvernatori Andrew Cuomo ka njoftuar se baret, restorantet, dhe palestrat duhet të mbyllen në orën 10:00 të mbrëmjes dhe grupet mund të krijohen deri në 10 persona.

“Ne po shohim një rritje globale të rasteve me koronavirus dhe Nju Jorku është anije në baticën e COVID-it”, ka thënë Cuomo gjatë një bisede me gazetarët.

“Ne po përballemi me rekorde në shtetin tonë. Situata është duke u përkeqësuar shumë, shumë çdo ditë”.

Kryetari i qytetit të Nju Jorkut, Bill de Blasio, i ka përshkruar masat e reja si “mundësinë e fundit” për të ndaluar valën e dytë.

Masat e reja do të nisin së zbatuari më 13 nëntor.

Nju Jorku ka qenë epiqendër e pandemisë së koronavirus në pranverë me gati 1,000 viktima në ditë, në fillim të muajit prill.

Kufizimet e reja në Nju Jork vijnë teksa shtetet tjera janë duke u bërë thirrje njerëzve që ta trajtojnë me seriozitet përhapjen e koronavirusit, sidomos tani kur po afrohet Festa e Falënderimeve dhe ajo e Krishtlindjes.

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...