Agjencia Zhurnal.KS
Bota

Partia e Jacinda Ardern fiton zgjedhjet

Partia e kryeministres së Zelandës së Re, Jacinda Ardern ka fituar zgjedhjet e përgjithshme.

Me pothuajse të gjitha votat e numëruar, Partia e Punës e Ardern ka fituar 49 për qind të votave, duke bërë që kjo parti të fitojë shumicën të madhe në parlament.

“Zelanda e Re tregoi se Partia e Punës ka mbështetjen më të madhe në pothuajse 50 vjet”, tha Ardern para mbështetësve, pasi shpalli fitoren.

“Ne nuk do ta marrim mbështetjen tuaj si të mirëqenë. Unë ju premtoj se ne do të jemi partia që do të qeverisë për të gjithë qytetarët e Zelandës së Re”, shtoi ajo.

Partia Popullore, e qendrës së djathtë, ka pranuar humbjen dhe aktualisht ka fituar 27 për qind të votave.

Partia e Ardern pritet të fitojë 64 ulëse në parlament, që janë të mjaftueshme që partia të ketë shumicën e plotë. Asnjë parti nuk ka arritur të fitojë kaq shumë ulëse, që prej vitit 1996, kur Zelanda e Re nisi së zbatuari një sistem të ri të votimit.

Zgjedhjet e përgjithshme në Zelandë të Re fillimisht ishin paraparë që të mbaheshin në muajin shtator, por u shtyn për një muaj, për shkak të pandemisë së koronavirusit.

Votimet u zhvilluan të premten dhe mbi një milion persona vetëm kishin votuar paraprakisht më 3 tetor.

Përveç zgjedhjeve të përgjithshme, qytetarët në Zelandë të Re kanë votuar edhe për dy referendume.

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...