Agjencia Zhurnal.KS
Maqedoni TOP LAJM

Partitë të ndara rreth propozimit që zgjedhjet lokale të jenë pa balotazh

Shkup, 14 tetor, zhurnal.mk – Zgjedhjet lokale pa balotazh cenojnë procesin demokratik. Ky qëndrim i kryeministri Zaev vjen pas kërkesës së kreut të VMRO-së Mickoski i cili kushtëzon ndryshimet në Kodin Zgjedhor me ndryshimin e modelit të zgjedhjeve lokale. Zaev thotë se ky model zgjedhor duhet diskutuar, por në rast se rrezikohet legjitimiteti i përfaqësuesve, nuk do të merret në konsideratë.

“E drejta e votës dhe vendimit se kush do të bëhet deputet, kryeministër ose president është e drejta më e shenjtë në demokraci. Nëse një demokraci të tillë e shkurtojmë dhe bëjmë që shumica e pashprehur të zgjedhë, atëherë procesi bëhet i diskutueshëm. Njerëzit çdo ditë e më pak dalin në votime, por në vendin tonë janë numrat më të mëdhenj. Kur një kandidat fiton me vota nën 51 për qind, vërtet mbetet e diskutueshme zgjedhje e përfaqësuesve”, tha Zoran Zaev, Kryeministër.

Nga BDI thonë se marrëveshja politike është për model zgjedhor me lista të hapura në zgjedhje lokale. Ideja për zgjedhje pa balotazh duhet diskutuar brenda në parti dhe mes partnerëve.

“Çdo ide tjetër për ndryshime të tjera eventuale në Kodin Zgjedhor do të jetë objekt i analizave dhe shqyrtimeve brenda partisë”, thonë nga BDI.

Opozita shqiptare nuk mbështet idenë për zgjedhje lokale pa balotazh. Sipas tyre, rëndësi duhet t’i kushtohet pastrimit të listës zgjedhore dhe listat e hapura për këshilltarë komunal.

“Si fillim të pastrohet lista zgjedhore dhe pastaj të diskutohet modeli zgjedhor. Ne mbështesim modelin me lista të hapura për këshilltarë. Balotazhi për kryetar komune duhet të mbetet”, thonë nga ASH-AAA.

Në kuadër të ndryshimeve në Kodin Zgjedhor Qeveria ka paralajmëruar edhe përfshirjen e rekomandimeve të OSBE-ODIHR-së brenda dispozitave ligjore. Ministri i Drejtësisë, Bojan Mariçiq ka paralajmëruar dorëzimin e propozimit në Kuvend para festave të fund vitit.

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...