Agjencia Zhurnal.KS
Maqedoni

Presidenti Pendarovski u takua me ambasadorin rus, Bazdnikin

Shkup, 7 shtator – Presidenti Stevo Pendarovski priti sot ambasadorin e Federatës ruse, Sergej Bazdnikin.

Në takim, kumtoi kabineti e presidentit, të dy bashkëbiseduesit shkëmbyen mendime mbi marrëdhëniet e përgjithshme dypalëshe mes dy vendeve në fusha me interes të përbashkët.

Presidenti Pendarovski dhe ambasadori Bazdnikin shkëmbyen informacione mbi situatën në të dy vendet në kontekstin e pandemisë Kovid-19 si dhe mbi trajtimin e pasojave shëndetësore, ekonomike dhe sociale.

Në prag të Ditës së Pavarësisë – 8 Shtatorit, ambasadori Bazdnikin i dorëzoi presidentit Pendarovski mesazhin e urimit nga presidenti i Federatës Ruse, Vlladimir Putin.

Prej kabinetit të Pendarovskit e përcjellën tekstin integral të mesazhit urues nga presidenti rus:

“I nderuar zotëri president, pranoni urimet me rastin e festës kombëtare të vendit tuaj – Ditës së Pavarësisë. Jam i bindur që promovimi i bashkëpunimit dypalësh konstruktiv mes Federatës Ruse dhe Republikës së Maqedonisë të Veriut do t’i përshtatej interesave të popujve tanë, do të kontribuonte në përforcimin e sigurisë dhe të stabilitetit në Ballkan. Ju uroj sinqerisht shëndet dhe suksese, ndërsa për të gjithë bashkëqytetarët tuaj paqe dhe prosperitet. Sinqerisht, V. Putin”.

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...