Agjencia Zhurnal.KS
Maqedoni TOP LAJM

Radev: Nuk do të lejojmë që çështje të pazgjidhura dypalëshe të minojnë unitetin e BE-së

Sofje, 5 nëntor – Zhurnal.mk – Bullgaria është anëtare e përgjegjshme e BE-së dhe nuk do të lejojë çështje të pazgjidhura dypalëshe të minojnë unitetin e BE-së, tha presidenti bullgar Rumen Radev në bisedën telefonike me homologun e tij gjerman, Frank-Valter Shtajnmajer.

Siç kumtoi shërbimit për shtyp i presidentit Radev, të dy krerët e shteteve riafirmuan qëndrimin e përbashkët se perspektiva evropiane e vendeve të Ballkanit Perëndimor, përfshirë Republikën e Maqedonisë të Veriut është thelbësore për përforcimin e stabilitetit dhe zhvillimit të të gjithë rajonit.

“Për atë qëllim, përparimi i qëndrueshëm dhe i vazhdueshëm i Republikës së Maqedonisë së Veriut është i nevojshëm në ndërtimin e marrëdhënieve të fqinjësisë së mirë me Bullgarinë”, tha Radev në bisedë.

Sipas Radevit, Bullgaria pret të marrë garanci të qarta ligjore të detyrueshme nën ndikimin e faktorëve të jashtëm që uniteti i kombit bullgar dhe trashëgimia e tij kulturore dhe historike, si elementë kryesorë të identitetit kombëtar, nuk do të vihen kurrë në dyshim.

Për këtë qëllim, Radev këmbënguli që pozicionin Kornizë kombëtare i miratuar unanimisht nga Asambleja kombëtare bullgare një vit më parë, të përfshihet në Kapitullin 35 të kornizës negociuese për Republikën e Maqedonisë të Veriut, me kritere dhe afate të përcaktuara qartë për t’u respektuar gjatë gjithë procesit të negociatave të anëtarësimit.

“Nëse zgjidhje e tillë nuk është e mundur, vendi ynë do të punojë në marrëveshje bilaterale me Republikën e Maqedonisë të Veriut në të cilën të gjitha çështjet bilaterale do të zgjidhen në frymën e miqësisë dhe fqinjësisë së mirë”, theksoi Radev.

Gjermania e cila aktualisht mban presidencën e radhës së BE-së, ka deklaruar vazhdimisht se qëllimi i saj është të mbajë konferencat e para ndërqeveritare me Maqedoninë e Veriut dhe Shqipërinë deri në fund të vitit, duke shënuar fillimin zyrtar të bisedimeve të anëtarësimit të të dy vendeve. Pas rezervave të Sofjes në lidhje me miratimin e kornizës negociuese me vendin, Gjermania rriti përpjekjet diplomatike për të parandaluar një veto të mundshme bullgare në fillimin e negociatave me Maqedoninë e Veriut. Për këtë qëllim, ministrat gjermanë të Punëve të Jashtme dhe Evropiane Hajko Mas dhe Mihaell Rot u takuan të hënën në Berlin me zëvendëskryeministrin për Çështje Evropiane, Nikolla Dimitrov të Maqedonisë të Veriut dhe ministrat e Punëve të Jashtme të Maqedonisë të Veriut dhe të Bullgarisë, Bujar Osmani dhe Ekaterina Zaharieva, ndërsa kancelarja gjermane Angela Merkel kishte biseda telefonike me kryeministrin Zoran Zaev dhe homologun e tij bullgar, Bojko Borisov. Shtajnmajer, nga ana tjetër, përveç Radevit foli edhe përmes telefonit edhe me presidentin Stevo Pendarovski.

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...