Agjencia Zhurnal.KS
Bota

Shefi i Hamasit thirrje Biden-it të tërheqë “Marrëveshjen e Shekullit”

“Marrëveshja e Shekullit” e Trump-it bën thirrje për formimin e një shteti palestinez në formë të arkipelagut.

Shefi i Hamasit Ismail Haniyeh i ka bërë thirrje presidentit të sapozgjedhur të SHBA-së Joe Biden të tërheqë të ashtuquajturën “marrëveshje të shekullit” të presidentit në largim Donald Trump, transmeton Anadolu Agency (AA).

Haniyeh përmes një deklarate kërkoi nga administrata e Biden-it të shfuqizojë njohjen nga SHBA të Kudsit si kryeqyteti i Izraelit dhe zhvendosjen e ambasadës në qytetin e shenjtë.

“Marrëveshja e shekullit” e Trump-it i referohet Kudsit si “kryeqyteti i pandarë i Izraelit” dhe njeh sovranitetin e Izraelit mbi pjesë të mëdha të Bregut Perëndimor.

Plani, i cili ka shkaktuar një stuhi dënimesh nga palestinezët, kërkon krijimin e një shteti palestinez në formën të arkipelagut të lidhur me ura dhe tunele.

Haniyeh kërkoi nga Biden “të korrigjojë rrugën e politikave të padrejta të SHBA-së ndaj popullit tonë (palestinez), i cili e bëri SHBA-në partnere (të Izraelit) në shtypje dhe agresion”.

Udhëheqësi i Hamasit vazhdoi duke i bërë thirrje administratës së re të SHBA-së për “respektimin e vullnetit të popullit palestinez dhe zgjedhjet e tyre demokratike…dhe të përmbahen nga politika e presionit mbi popujt dhe vendet e rajonit për të normalizuar marrëdhëniet me pushtuesin (izraelit)”.

Ashtu siç ishte parashikuar nga mediat kryesore amerikane, 77-vjeçari Biden u shpall si Presidenti i 46-të i SHBA-së pas fitores ndaj Trump-it.

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...