Agjencia Zhurnal.KS
Maqedoni

S’ka terminë të lirë për testet PCR, pacientët shërohen duke pritur testimin

Shkup, 14 nentor – Në kulmin e pandemisë vështirë të gjendet një termin i lirë për tu testuar për CoVid-19. Disa prej qytetarëve thonë se me të gjitha simptomat e virusit korona, madje edhe janë shëruar pa arritur të diagnostikohen. Besim Miftari tregon se nga një rëntgen i mushkërive mjeku amë i konstatoi se nuk ka pneumoni të zakonshme, andaj u detyrua që të merr terapi anti-kovid dhe barëra popullore.

Shumë përvojë e keqe që nuk dua ta kujtoj asnjëherë. Jam shëruar në shtëpi, kam pasur trajtim nga mjekët dhe kryesisht jam shëruar me barna shtëpiake dhe me terapi të rekomanduar nga mjekët e Klinikës Infektive. Kam kërkuar që të testohem më kanë thënë se nuk ka termin të lirë për testim dhe pastaj e mendova se nuk është e rëndësishme të dal pozitiv apo negativ, por që të shërohem. Kjo besoj se duhet të jetë prioritet prej çdonjërit prej neve – tha Besim Miftari, pacient.

Ministria e Shëndetësisë thotë se është në dijeni për shumë raste të tilla, andaj kanë shtuar intensitetin e testimeve dhe përcaktimet e terminëve. Ministri Filipçe tha se përveç 13 mijë testeve të shpejta që janë në përdorim, janë në procedurë të furnizimit edhe përmes Bankës Botërore. Këto teste të reja, kreu i shëndetësisë tha se së shpejti do të arrijnë në të gjitha qendrat ku bëhen testimet.

Terminët për testim po rriten çdo dit, u rritën njëherë në laboratorët aktual të Institutit të Shëndetit Publik, u rritën në Spitalin në Kozle, dhe tani me punktet me testet e shpejta, dhe gjithkund me testimet shpejta nëpër spitale. Gjithsecili që ka një pasqyrë klinike çfarë do qoftë ajo, mund të paraqitet në cilindo institucion spitalor, në Klinikën Infektive, në Klinikat Interne, në Institutin për sëmundje të mushkërive apo edhe në Spitalin 8 shtatori. Në të gjitha këto testet janë të shpërndara – deklaroi Venko Filipçe, Ministër i Shëndetësisë.

Që nga fillimi i pandemisë janë bërë mbi 286 mijë teste, prej të cilëve 15,6% kanë rezultuar pozitiv. Vetëm të premten janë bërë mbi 3 mijë teste në 15 laboratorët publik dhe privat. Deri në fund të shtatorit mesatarisht bëheshin rreth 1 mijë teste në ditë. Ndonëse në valën e vjeshtës kjo shifër është trefishuar, nuk arrin të bëj ballë kërkesën e qytetarëve për një diagnostikim nga virusi korona. Shqetësues është edhe rritja e numrit të në mes 20-25 në ditë dhe gjithsej ndërruan jetë 1,263 pacientë.

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...