Agjencia Zhurnal.KS
Bota

Sonda kineze zbret në Hënë për të mbledhur mostra

Kina thotë se misioni i saj pa pilot në hënë që synon mbledhjen e mostrave të shkëmbinjve dhe pluhurit për t’u rikthyer më pas në Tokë, ka zbritur në sipërfaqen e hënës me sukses.

Sonda kozmike Chang’e-5 pritet të kalojë dy ditët e ardhshme duke hulumtuar dhe duke mbledhur materiale sipërfaqësore.

Qëllimi është që të paketohen rreth 2 kilogramë shkëmbinj hënorë që do të dërgohen në një mjet në orbitë dhe që më pas të mund të transportohen në Tokë.

Nëse misioni është i suksesshëm, kjo do të jetë hera e parë në katër dekada, që një vend merr mostra hënore, pas misioneve të SHBA-së dhe sovjetikëve në vitet 1960 dhe 1970.

I gjithë misioni pritet të zgjasë 23 ditë.

Qëllimi i tij është të ndihmojë shkencëtarët të mësojnë për origjinën e hënës, formimin dhe aktivitetin vullkanik dhe të çojnë përpara hulumtimin e hapësirës hënore.

Kina kreu dy ulje të mëparshme në hënë – më 2013 dhe 2019.

Programi hapësinor i drejtuar nga ushtria e vendit shpreson të ketë një stacion hapësinor me ekuipazh deri në 2022 dhe përfundimisht të dërgojë njerëz në hënë.

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...