Agjencia Zhurnal.KS
Bota

Vdekjet e pandemisë, mafia zhvat €50 për çdo funeral në Itali, kufomat bëhen ushqim për derra

Një sistem i ri mafioz i zhvatjes së €50 për çdo arkivol nga shtëpitë e funeraleve është goditur së fundmi nga policia në rajonin jugor të Puglia.

Disa dhjetra aksione u kryen mëngjesin e sotëm në Foggia dhe sollën arrestimet e 40 anëtarëve të një organizate kriminale që përshkruhej nga autoritetet si armiku “numër një i vendit”.

Hetuesit kishin pikasur kërcënimet nga katër grupet e mëdha mafioze italiane – Cosa Nostra në Siçili, Ndrangheta në Kalabri, Kamorra në Napoli dhe Sacra Corona Unita në Puglia – por shqetësimet po shtoheshin për organizatën e re në Foggia, që kishte nisur të merrte pseudonimi “mafia e pestë”.

Të dyshuarit mes të cilët dhe drejtuesit e klanit Federico Trisciuoglio e Pasquale Moretti, u akuzuan për pjesëmarrje në organizatë mafioze, dhenie parash me fajde dhe zhvatje të sipërmarrësve e dyqanxhinjve, përfshi dhe shtëpitë e funeraleve.

Prokurorët thanë se klanet në Foggia kërkonin që shtëpitë e funeraleve të paguanin €50 për çdo varrim që kryenin. “Mafia kishte arritur të korruptonte një punonjës të administratës lokale i cili i furnizonte me informacione për të vdekurit e përditshëm në qytet”, tha Ludovico Vaccaro, kryeprokurori i Foggia, për britaniken Guardian.

Vaccaro shtoi se grupet mafioze kishin shtuar aktivitetin e parave me fajde të ekzagjeruara duke përfitua rnga sipërmarrësit në vështirësi prej pandemisë. Në disa nga rastet ata i jepnin para me masë interesi 400%.

“Mafia në Foggia po kthehej në armikun publik numër një,” tha prokurori anti-mafia Federico Cafiero De Raho. “Por reagimi i shtetit është bërë më i fortë ndaj tyre.”
Hetimet e gjera nisën pas një serie bombash në makinë në Foggia në fillim të vitit.

“Mafia në Foggia është relativisht e re. Klanet nag të cilat përbëhen organizatat zotërojnë territoret e tyre prej 30 vjetësh. Ato nuk mund të krahasohen me grupet historike mafioze si Cosa Nostra e Ndrangheta, por kanë një gradë të lartë agresioni e dhune. Unë do ta quaja mafie primitive – nga ato që kufomat ia jep derrave t’i hanë, për të humbur gjurmët”, shton Vaccano.

Mafia në provincën e Foggia ka lindur në fund të viteve 1970, kur kreu i mafias ‘Neapolitane’ Raffaele Cutolo u takua me një grup kriminelësh për t’i marrë në organizatën e tij me qëllim forcimin e kontrabandës së cigareve drejt Ballkanit.

Sot thuhet se të paktën tre grupe mafioze veprojnë në Foggia. Përveç ‘Società Foggiana’, e cila merret me zhvatje dhe shpërndarje drogash, është klani Cerignola i njohur për grabitjet e armatosura dhe trafikun e kokainës, si dhe grupi Gargano, në zonën e majës së “çizmes së Italisë” i cili besohet se ka kryer rreth 300 vrasje.

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...