Agjencia Zhurnal.KS
Shqipëri

Vijojnë replikat në rrjetet sociale Rama-Basha për situatën në spitale, kryeministri publikon të tjera pamje nga pavijonet

Vijojnë replikat mes kreut demokrat Lulzim Basha dhe kryeministrit Edi Rama. Kryeministri Edi Rama me anë të një postimi është treguar i ashpër me opozitën, pasi shkruan se është një opozitë që nuk i duhet këtij vendi.

“Një opozitë që as në një sëmundje që bie një herë në shekull nuk gjen dot forcë të bëhet bashkë me shumicën nuk i duhet as dreqit e jo më popullit shqiptar”, shkruan Rama.

Kryeministri Edi Rama ka publikuar një video ku tregonte pamjet e Covid 2 me shtretër të lirë duke hedhur poshtë akuzat e opozitës.

“Dhe duan s’duan lehaqeniet e çakërdisura të opozitarizmit vulgar, agresiv, gënjeshtar, realiteti brenda spitaleve Covid është pa pikë dyshimi ai që keni parë këtu, e duke ju ftuar të shihni Pjesën e Tretë të ekskluzives, nga spitali Covid 2, në Sanatoriumin e Tiranës, ju uroj një ditë të mbarë”, u shpreh Rama.

Pas videos ka reaguar menjëherë kreu demokrat Lulzim Basha, i cili vijon të akuzojë se kryeministri sipas tij ka humbur kontrollin mbi pandeminë. “Ja çfarë thonë familjarët e të sëmurëve. Faktet flasin vetë dhe tregojnë të vërtetën ashtu siç është. Pasi shkatërroi ekonominë, Rama e humbi kontrollin ndaj pandemisë dhe po shkatërron jetët dhe shëndetin e familjeve shqiptare”, u shpreh Basha.

Ai përsërit të njëjtat akuza, duke i thënë se është një dështim i madh. Kreu demokrati vijoi duke thënë se nëse Rama do ta kishte dëgjuar para 6 muajsh sot do të kishe një plan real kundër pandemisë. “Rama je një dështim i madh. Sa shqiptarë duhet të vdesin që të ndalësh sulmet politike dhe përpjekjet për të na mbyllur gojën? Po të më kishe dëgjuar që para 6 muajsh, do t’ju kishe dhënë ndihmë financiare familjeve shqiptare dhe sot do të kishe një plan real kundër pandemisë”, tha ai.

Kreu demokrat u shpreh se shëndetësia në vend është në kolaps, ndërsa vijoi më tej duke thënë se me ardhjen e tij në pushtet në Shqipëri do të vijë një shpresë e re. “Askush nuk e përtyp propagandën tënde fallco. Shëndetësia është në kolaps, të sëmurët nuk kanë pará për të blerë barnat e shtrenjtuara dhe ekonomia është në krizë. Ne do ta shërojmë Shqipërinë, do t’i korrigjojmë dështimet e tua dhe do të sjellim shpresë të re për njerëzit”, shkruan Basha.

Postime të ngjashme

Stërvitja e NATO-s në Shqipëri një ditë pas zgjedhjeve, Peleshi: Jo thjesht një stërvitje, ja çfarë domethënie ka për vendin

S.B.

“Kufizimet nuk ndryshojnë”, Komiteti Teknik i Ekspertëve: Masat në fuqi edhe për 2 javë të tjera

S.B.

Rama-Manastirliu nga Kamza: Finalizohet marrëveshja për vaksinat kineze, javën që vjen nis vaksinimi masiv

S.B.

SHBA dhuron 29 mjete të blinduara për Forcat e Armatosura të Shqipërisë

S.B.

“Hajde themi Rama ik”/ Rama në Kamëz me fëmijët, batuta: Jepu një Iphone Rakip ta shohësh sa prapa je

S.B.

Grida Duma padit Erion Veliajn për shpifje

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...