Agjencia Zhurnal.KS
Maqedoni TOP LAJM

Zakharieva: Momentalisht Bullgaria nuk i thotë “po” Maqedonisë së Veriut për fillimin e negociatave

Shkup, 5 nëntor, zhurnal.mk – Shefja e diplomacisë bullgare, Ekaterina Zakharieva tha se nuk ka mënyrë që t’i themi “po” nisjes së bisedimeve mes Maqedonisë së Veriut dhe Bashkimit Evropian. Ajo po ashtu tha se Bullgaria nuk konteston gjuhën dhe identitetin bashkëkohor të popullatës në RMV.

“Ne e thamë qëndrimin tonë. Tani ai qëndrim është edhe në opinion. Që nga viti i kaluar, Qeveria dërgoi deklaratë në Kuvend e që u mbështet nga të gjitha partitë politike. Kjo do të thotë se qëndrimi ynë për Maqedoninë e Veriut nuk është i ri, ashtu siç deklarojnë disa. Mendoj se kemi unitet në këtë temë”, tha ministrja Zakharieva për “BTV”.

Ajo theksoi se është në interes të Bullgarisë që gjitha vendet e Ballkanit Perëndimor të anëtarësohen në BE.

“Momentalisht Bullgaria nuk mund ta miratojë kornizën e bisedimeve me Maqedoninë e Veriut. Ekziston Marrëveshje për fqinjësi të mirë që u nënshkrua në vitin 2017 e që u ratifikua në vitin 2018 dhe kjo marrëveshje nuk zbatohet”, tha Zakharieva.

Ajo shtoi se Bullgaria nuk ka pretendime për atë se si përcaktohen qytetarët e kësaj republike por edhe maqedonasit nuk duhet të kenë pretendime për historinë bullgare.

“Nuk na shqetëson vetëm historia, por edhe gjuha e urrejtjes. Mospranimi i të vërtetës historike sjell probleme serioze në marrëdhëniet mes dy vendeve”, tha Zakharieva.

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...