Agjencia Zhurnal.KS
Bota

Azerbajxhani u bën thirrje civilëve që qëndrojnë larg instalimeve ushtarake

Ushtria e Azerbajxhanit këshilloi sot popullatën civile, që jeton në vendbanime afër zonës së operacioneve luftarake, të qëndrojnë larg instalimeve ushtarake për të shmangur ndonjë dëm të mundshëm, transmeton Anadolu Agency (AA).

Përmes një kumtese, Ministria e Mbrojtjes e Azerbajxhanit tha se ushtarët dhe vullnetarët armenë u mashtruan nga udhëheqësia e Armenisë dhe u ofroi atyre të vendosnin armët dhe të dorëzohesh.

“Të gjitha të drejtat e robërve të luftës dhe civilëve do të mbrohen në përputhje me Ligjin Ndërkombëtar Humanitar dhe përmes organizatave ndërkombëtare, do të krijohen kushtet e nevojshme për personat që dëshirojnë të lëvizin në vendet e treta”, thuhet në kumtesë.

Në një kumtesë tjetër, Ministria e Mbrojtjes tha se ushtria azerbajxhanase zmbrapsi një sulm të forcave armene në rrugën Syunik-Zangilan.

“Armiku që u përball me rezistencë të ashpër nga njësitë tona u detyrua të tërhiqej. Ka të burgosur të kapur nga forcat e armikut”, theksohet në kumtesë.

Nga Ministria e Mbrojtjes e Azerbajxhanit gjithashtu thonë se në një operacion luftarak të kryer sot, Forcat Ajrore të Azerbajxhanit shkatërruan tre tanke, dy strehimore dhe katër bastione të forcave të armatosura armene në drejtimet Aghdere dhe Aghdam.

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...