Agjencia Zhurnal.KS
Maqedoni

Bekteshi: I inkurajojmë kompanitë private ta ndjekin përfaqësimin etnik si në sektorin publik

Shkup, 23 shtator – I inkurajojmë të gjitha kompanitë që t’i qasen përfaqësimit të bashkësive etnike në të njëjtën mënyrë si sektori publik, deklaroi ministri i Ekonomisë Kreshnik Bekteshi, duke folur për masën e paralajmëruar të ndihmës shtetërore për kompanitë që do të punësojnë sipas parimit të përfaqësimit të barabartë etnik.

“Ne i inkurajojmë ata, në pjesën e një shoqërie të barabartë për të gjithë edhe për shqiptarët, edhe për maqedonasit dhe për të tjerët, ne i inkurajojmë ata që të pasqyrojnë strukturën e shtetit, siç është në sektorin publik. Ne nuk e dimë nëse kompanitë private do ta bëjnë këtë”, tha Bekteshi pjesëmarrjes së tij në emisionin Top Tema në në televizionin Telma.

Ai theksoi se kjo masë është parashikuar në programin politik të Qeverisë dhe duhet të zbatohet në katër vitet e ardhshme, në lidhje me pikëpamjet e ndryshme të shprehura nga përfaqësuesit e LSDM-së, deklaroi ai se “para se t’i komentojnë, duhet t’i lexojnë programet qeveritare”.

Sipas tij, gjatë zbatimit të kësaj mase do të mbahet llogari edhe për kompetencën e personave që do të punësohen.

“Kur flasim për kompetencën, natyrisht ata duhet të jenë kompetentë, qofshin shqiptarë, maqedonas, turq, serbë, duhet të jenë kompetentë për të përfunduar punën e paraparë”, tha Bekteshi.

Ai theksoi se takimet me përfaqësuesit e odave ekonomike tani po diskutojnë grupin e katërt të masave ekonomike për t’u marrë me pasojat e krizës Kovid, por jo edhe masën për ndihmë në punësim mbi baza etnike.

“Me përgatitjen e buxhetit të ardhshëm për vitin 2021, sigurisht që do të flasim me odat ekonomike dhe do të marrim qëndrimet e tyre, komentet e tyre”, tha ministri Bekteshi.

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...