Agjencia Zhurnal.KS
Bota

Fluturimet nga Izraeli për në Dubai do të fillojnë në fillim të 2021

Në vizitën e nivelit të lartë të zhvilluar dje nga EBA në Izrael u nënshkruan 4 marrëveshje, përfshirë edhe marrëveshjen për heqjen e vizave mes dy vendeve

Kompania e dytë ajrore më e madhe e Izraelit, Arkia do të fillojë fluturimet ditore në fillim të 2021 drejt Dubait një nga 7 emiratet e Emirateve të Bashkuara Arabe (EBA), transmeton Anadolu Agency (AA).

Sipas faqes së lajmeve Walla me qendër në Izrael, drejtuesi i lartë i Arkia International, Oz Berlowitz në një deklaratë ka thënë se “Jemi krenarë që jemi kompania e cila ka filluar shitjet e biletave të avionit për fluturime të drejtpërdrejta në Dubai”.

Berlowitz tha se vendimi për të zhvilluar fluturime në Dubai është marrë për shkak të kërkesave intensive nga sektori privat, biznesmenët, grupet dhe organizatorët e konferencave.

Ai shtoi se po vlerësojnë edhe çështjen për fillimin në një kohë të afërt të fluturimeve të drejtpërdreja në emiratin Sharjah dhe në Bahrein.

Në vizitën e nivelit të lartë të zhvilluar dje nga EBA në Izrael u nënshkruan 4 marrëveshje, përfshirë edhe marrëveshjen për heqjen e vizave mes dy vendeve.

Izraeli dhe EBA të dielën arritën një marëveshje për realizimin e 28 fluturimeve në javë mes aeroporteve të Ben Gurion në Tel Aviv dhe aeroporteve të Abu Dhabit dhe Dubait.

Ndërkohë fluturimi i parë nga Izraeli për në EBA pritet që të zhvillohet të martën.

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...