Agjencia Zhurnal.KS
Shqipëri

Ligjet nisin diskutimin e ndryshimeve në Kodin Zgjedhor

Presidenti Ilir Meta i është drejtuar me një thirrje Kuvendit të Shqipërisë, që të presë opinionin e Komisionit të Venecias përpara se të çojë për (ri)votim kodin e ri zgjedhor.

Komisioneri për Zgjerimin Oliver Varhelyi i kërkoi Kuvendit të presë opinionin e Komisionit të Venecias para se të vendosë mbi fatin e ndryshimeve në Kodin Zgjedhor.

Sipas tij, Parlamenti duhet të presë këtë këshillë nga Komisioni i Venecias.

Po pavarësisht thirrjes së tij, mazhoranca e majtë ka vendosur të vijojë pa humbur kohë me diskutimin e dekretit të Presidentit të Republikës me anë të të cilit ai ktheu për rishqyrtim këto ndryshime.

Komisioni i Ligjeve ka vendosur në rendin e ditës së mbledhjes së sotme shqyrtimin e këtij dekreti, ndërsa pritet që ajo të mos marrë parasysh argumentet e paraqitura nga Meta në relacionin shoqërues të tij.

Hedhjen poshtë të këtyre argumenteve dhe rrëzimin e dekretit e paralajmëroi një ditë më parë edhe vetë Kryeministri Edi Rama, i cili tha se nuk ka kohë për të humbur dhe se ndryshimet në Kod do të miratohen njësoj siç janë edhe në variantin e miratuar gati 3 javë më parë në Kuvend.

Presidenti Meta krahas dekretit i ka çuar edhe një kërkesë Komisionit të Venecias, ku i kërkon opinion juridik lidhur me kushtetueshmërinë e këtyre ndryshimeve që u miratuan pa pëlqimin e opozitës.  

Postime të ngjashme

Stërvitja e NATO-s në Shqipëri një ditë pas zgjedhjeve, Peleshi: Jo thjesht një stërvitje, ja çfarë domethënie ka për vendin

S.B.

“Kufizimet nuk ndryshojnë”, Komiteti Teknik i Ekspertëve: Masat në fuqi edhe për 2 javë të tjera

S.B.

Rama-Manastirliu nga Kamza: Finalizohet marrëveshja për vaksinat kineze, javën që vjen nis vaksinimi masiv

S.B.

SHBA dhuron 29 mjete të blinduara për Forcat e Armatosura të Shqipërisë

S.B.

“Hajde themi Rama ik”/ Rama në Kamëz me fëmijët, batuta: Jepu një Iphone Rakip ta shohësh sa prapa je

S.B.

Grida Duma padit Erion Veliajn për shpifje

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...