Agjencia Zhurnal.KS
Maqedoni TOP LAJM

Mariçiq: Kësaj strukture të VMRO-DPMNE-së nuk i intereson fare drejtësia

Shkup, 10 shtator – Zhurnal.mk – Ministri i ri i drejtësisë Bojan Mariçiq në një prononcim për DW, ka deklaruar se kësaj strukture të VMRO-DPMNE-së nuk i intereson fare drejtësia, informon Zhurnal.

Sipas tij, VMRO-DPMNE-ja ka të drejtën e protestës mirëpo ende është herët për protesta sepse Qeverisë duhet t’i jepen 100 ditë hapësirë që të fillojë me politikat e saja.

“Gjithsesi, opozita ka të drejtë të protestojë ku të dojë dhe kur të dojë. Ky është fryti i demokracisë sonë. Por, në çdo vend demokratik Qeveria e re ka hapësirë prej 100 ditëve të fillojë politikat e saj, ndërsa opozita të konsolidohet pas humbjes në zgjedhje. Gjithsesi, që të shmangë thirrjet për dorëheqjen e tij dhe të defokusojë diskutimin për përgjegjësinë e tij, lideri i VMRO-DPMNE-së Mickoski hynë në skenar për protesta me të cilën kërkohet drejtësi”, thotë Mariçiq.

Sipas tij, kjo strukturë e VMRO-DPMNE-së e dëshmoi në vepër se nuk është e interesuar për drejtësi.

“Është paradoksale që kjo strukturë e VMRO-së të kërkojë drejtësi për disa procese gjyqësore. Për thirrjet për dretjësi, kam përshtypjen se po trokasin në derë të hapur, kishte tre vite që Mickoskit i shtrimë dorën për shumë projekte ligjore për reforma në gjyqësi dhe për sjellje të drejtësisë. Në vend të kësaj, VMRO-DPMNE formoi ekip negociues ku në masë të madhe kishte persona me akuza, apo nën hetim të Prokurorisë, apo avokatë të tyre, pikërisht të pengojnë drejtësinë dhe të mbulojnë krimet e regjimit të Gruevskit. Sa persona prej atyre që protestuan ende janë të akuzuar apo janë të dënuar për korrupsion? A pamë ndonjë vepër apo fjalë me të cilën Mickoski distancohet nga praktikat e shtetit të robëruar apo vetëm i vazhdoi ato?”, ka deklaruar Mariçiq, ministër i drejtësisë.

Për ministrin Mariçiq, akuzat për klane dhe mafia janë qesharake kur vijnë nga aktorët kryesorë të një shteti të robëruar me pasojat e së cilës ende po luftohet.//Zhurnal.mk

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...