Agjencia Zhurnal.KS
Maqedoni

Mickovski: Qeveria e vjetër-e re pa masa dhe projekte konkrete edhe në mandatin e ri

Shkup, 28 shtator – Kryetari i VMRO-DPMNE-së, Hristian Mickovski sot ka realizuar takim me ambasadorin francez, Kristian Timonie, ku u bë fjalë për gjendjen aktuale politike në shtet, si dhe për atë se cilat janë prioritetet e VMRO-DPMNE-së si parti politike.

Nga VMRO-DPMNE-ja kumtuan se Mickovski ka potencuar se për shkak të pandemisë, së shkaktuar nga Kovid-19, shteti është në gjendje të rëndë ekonomike dhe shëndetësore, ndërsa qeveria e vjetër-e re nuk ndërmerr kurrfarë masa konkrete, që t’u ndihmohet qytetarëve, si dhe biznes sektorit.

“Në shtet krimi dhe korrupsioni janë në ni]vel të lartë dhe drejtësia është selektive, respektivisht u gjykohet vetëm njerëzve nga opozita. Pushteti u ndan tenderë personave të afërt dhe për këtë askush nuk përgjigjet, derisa populli nga dita në ditë gjithnjë e më tepër po varfërohet. VMRO-DPMBE-ja si parti politike ka politika të qarta dhe konktrete, të cilat do ta orientojnë Republikën e Maqedonisë në rrugën e duhur, si dhe do të kenë ndikim në rrugën drejt Bashkimit Evropian”, tha Mickovski.

Lideri i VMRO-DPMNE-së iu falënderua ambasadorit francez për takimin dhe ka shfaqur shpresë se takimet e tilla do të vazhdojnë edhe më tej në të ardhmen, të cilat do të kontribuojnë për të mirën e tërë shtetit.

Nga VMRO-DPMNE-ja informuan se kanë shprehur falënderim për angazhimin e Timonies, miqësinë e tij të vërtetë ndaj shtetit dhe për tërë ndihmën të cilën shteti e ka marrë nga veprimi i tij në vend.

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...