Agjencia Zhurnal.KS
Maqedoni

Ndërpritet aplikimi për inverterë

Shkup, 23 shtator – Nga sot, Qyteti i Shkupit nuk pranon aplikime për kondicionerë inverter, megjithëse janë paraqitur 4,135, dhe jo 5,200 siç ishte planifikuar të ishte limiti. Sipas njoftimeve nga Qeveria, 5200 qytetarë duhej të subvencionoheshin, për çka 5 milion e dyqind mijë euro u transferuan në Qytetin e Shkupit. Qyteti i Shkupit thotë se aplikimet u ndërprenë për t’i kontrolluar aplikimet e deritanishme.

“Nëse konstatohet se nuk janë thithur të gjitha mjetet e parapara për këtë qëllim, ekziston mundësia thirrja të vazhdohet, për çka opinioni do të informohet me kohë. Të gjithë ata që deri tani kanë aplikuar dhe që i kanë plotësuar kushtet e thirrjes publike do të marrin mjete dhe nuk do të ndahen kuponë”

Kur do të fillojë transferimi i parave dhe nëse kjo do ndodhë shpejtë, nga Qyteti i Shkupit nuk treguan.

Alsat tashmë ka shkruar se Qyteti i Shkupit dhe komunat e tjera kanë hequr dorë nga dhënia e vauçerëve prej 1000 euro për kondicionerët inverter dhe në vend të kësaj kanë vendosur t’i ndryshojnë rregullat gjegjësisht qytetarët së pari t’i blejnë kondicionerët e më pas t’u kthehen paratë. Projekti fillestar supozohej të ndihmonte kategoritë e ndjeshme të qytetarëve për t’u pajisur me kondicionerë sepse çmimi për një inverteri sillet nga 500 euro e tutje. Ministri Nuredini për Alsat pretendon se ai ka kërkuar që të jepen vauçerët, por është mbivotuar.

“Institucioni ynë ishte i përfshirë nga pikëpamja e mjedisit.  Fatkeqësisht, njerëzit duhet ta paguajnë kondicionerin e më pas t’i marrin paratë. Unë i sugjerova grupit të punës që të bëhet me vauçerë, por më mbivotuan. Ky institucion nuk merr vendime vetanake, ka institucione të tjera që vendosin se si duhet të shkojë procesi. E ngritëm çështjen, por u mbivotuam- deklaroi Naser Nuredini- Ministër i Mjedisit.

Qeveria thotë se zbatimi i masës është në kompetencë të vetë komunave.

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...