Agjencia Zhurnal.KS
Bota

Në Francë parashikohet që numri i rasteve ditore me koronavirus të arrijë deri në 100 mijë

Franca mund të regjistrohet deri në 100 mijë raste të reja ditore me koronavirus – dyfishi i shifrës aktuale – ka thënë profesori Jean-François Delfraissy, që udhëheq këshillin shkencor që e këshillon Qeverinë e Francës për pandeminë për radio RTL.

“Me gjasë ka më tepër se 50 mijë raste në ditë. Ne llogarisim, në komitetin shkencor, se jemi më tepër në regjionin e 100 mijë rasteve në ditë”, ka thënë Delfraissy, raporton agjencia Reuters.

Franca, ekonomia e dytë më e madhe në eurozonë, aktualisht është duke shqyrtuar nëse do të aplikojë masa më të ashpëra për të frenuar përhapjen e COVID-19. Në Francë në shumë rajone vetëm se është duke u aplikuar ora policore gjatë natës, përfshirë këtu edhe në Paris.

Ministria e Shëndetësisë e Francës të dielën ka raportuar një rekord ditor prej 52.010 raste të reja me koronavirus.

Numri total i rasteve në Francë ka arritur në 1.138.507, që është shifra e pestë më e lartë në botë.

Po ashtu 116 persona kanë vdekur në 24 orët e fundit si pasojë e COVID-19, ndërsa shifra totale ka arritur në 34.761

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...