Agjencia Zhurnal.KS
Kulturë

Nesër premiera e filmit “Qiej të trazuar” në platformën online të PriFest

Filmi i metrazhit të gjatë “Qiej të trazuar” me regji dhe skenar të Anton Ndrecajt nesër ka premierën botërore në kuadër të festivalit të filmit PriFest.

“Qiej të trazuar” është e zhanrit dramë, e cila përfshin në rolin kryesor një psikiatër të mirënjohur i cili ka ardhur tek përfundimi që jeta është e pavlefshme dhe që më asgjë nuk ka rëndësi. Ai përpiqet të bindë familjen e tij që ta lënë të ikë, por ai përballet me një konfrontim të gjerë duke i sjellë atë dhe familjen e tij në një konflikt dhe gati në shkatërrim.

Edhe pse gjithçka duket se është perfekte rreth Robertit: karriera, shtëpia e shkëlqyer, shtëpia në male, gruaja e bukur, fëmijët e shëndetshëm – mungesa e mirëkuptimit për funksionimin e kësaj bote e bën që gjithçka të duket e pavlerë, njofton Klan Kosova.

Në rolet kryesore janë aktorët Jehon Gorani dhe Arta Muçaj, ndërsa në rolet tjera luajnë Luan Kryeziu, Imer Kutllovci, Furtuna Aliu, Don Shala, Vedat Haxhiislami, May-Linda Kosumoviq, Fatlume Bunjaku, Ali Demi, Agim Sylejmani dhe Florist Bajgora.

Producenti i filmit Adriatik Kelmendi ka bërë të ditur se premiera e këtij filmi ishte menduar me tepih të kuq por kjo u pamundësua për shkak të rrezikut të pandemisë së COVID-19.

“Me këtë rast, dua të falënderoj të gjithë ata individë të shumtë që u angazhuan për realizimin e këtij filmi, si dhe QKK-në për mbështetjen e tij”, ka shkruar Kelmendi në rrjetin social Facebook.

Filmin mund ta shikoni në platformën online të festivalit nga ora 16:00.

Këtu më poshtë gjeni linkun e trailerit të filmit:

Postime të ngjashme

Anulohet Festivali i Rokut në Gjenevë

S.B.

Futet në librin e rekordeve Guiness, shitet piktura më e madhe në botë për 62 milionë dollarë në Dubai

S.B.

Garvanliev të mbetet përfaqësuesi i Maqedonisë së Veriut në Eurosong 2021

T E

Librat e Kunderës, betejë e përjetshme e njeriut me sistemin

S.B.

Vdes poeti dhe eseisti i njohur polak, Adam Zagajewski

S.B.

Shoqata Tradita e organizoi Edicionin V të manifestimit letrar ndërkombëtar Shtigje poetike

Z H

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...