Agjencia Zhurnal.KS
Teknologji

Një hetim për TikTok po përgatitet edhe në Evropë

Rregullatori i intimitetit të të dhënave franceze CNIL njoftoi sot se ka nisur një hetim paraprak për aplikacionin TikTok sepse ka marrë një ankesë nga një përdorues, raporton Reuters.

Aplikacioni TikTok, në pronësi të kompanisë kineze ByteDance, tashmë është nën hetim nga autoritetet amerikane, holandeze dhe Bashkimi Evropian, në lidhje me çështjen e intimitetit të të dhënave, transmeton Telegrafi.

“Në maj, morëm një ankesë kundër TikTok, e cila aktualisht është duke u hetuar”, tha një zëdhënës i CNIL, por nuk pranoi të shpjegojë natyrën e ankesës ose identitetin e paditësit.

Agjencia britanike kujton se zyrtarët amerikanë pretendojnë se TikTok kinse paraqet rrezik për sigurinë kombëtare për shkak të mënyrës së përpunimit të të dhënave.

Presidenti Donald Trump ka kërcënuar të ndalojë TikTok-un nëse ByteDance nuk pranon ta shesë atë brenda 45 ditëve.

Komiteti Evropian për Mbrojtjen e të Dhënave Private (EDPB) njoftoi në qershor se do të formojë një grup pune për të vlerësuar aktivitetet e TikTok, pas një kërkese nga eurodeputetët e shqetësuar në lidhje me mbledhjen e të dhënave dhe rreziqet e mundshme të sigurisë dhe privatësisë.

Një hetim i ngjashëm u njoftua në maj nga rregullatori holandez për mbrojtjen e të dhënave.

Postime të ngjashme

Tesla pranon bitcoin për shitjen e veturave

S.B.

Përdoruesit e Android-it raportojnë një numër problemesh me aplikacionet e tyre – ja si të zgjidhet problemi

S.B.

SpaceX shpreson të “lëshojë dhe zbresë” një prototip të ri të Starship këtë javë – pas shpërthimit të tri të tjerave

S.B.

Samsung dëshiron të sjellë një telefon inteligjent që paloset dy herë

S.B.

Shitet për 2.9 milionë dollarë postimi i parë në Twitter

S.B.

Nëse identifikoheni me më shumë se gjysmën e këtyre gjërave, ju jeni të fiksuar pas mediave sociale

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...