Agjencia Zhurnal.KS
Bota

OBSH paralajmëron se muajt e dimrit do të jenë të vështira në luftën kundër COVID-19

Drejtori i Përgjithshëm i Organizatës Botërore të Shëndetësisë (OBSH), Tedros Adhanom Ghebreyesus bëri të ditur se “Disa muaj do të jenë të vështira kur të vijë dimri”.

Ghebreyesus, në një konferencën për shtyp të mbajtur në selinë e OBSH-së në Gjenevë, me anë të videokonferencës, deklaroi se epidemia “hyri në një fazë alarmante”.

“Ndërsa hemisfera veriore hyn në dimër, ne shohim që rastet po rriten me shpejtësi, veçanërisht në Evropë dhe Amerikën e Veriut. Ne e dimë se disa muaj do të jenë të vështira kur të vijë dimri”, bëri të ditur Ghebreyesus.

Duke vënë në dukje se ai është i kënaqur me masat e marra nga udhëheqësit e shumë vendeve për të ngadalësuar përhapjen e virusit dhe për të mbrojtur punonjësit e kujdesit shëndetësor dhe sistemet shëndetësore, Ghebreyesus tha: “Sot infermierët dhe mjekët dinë se si të kujdesen më mirë për pacientët e infektuar sesa në ditët e para të epidemisë. Sidoqoftë, kur kapaciteti spitalor të arrihet dhe tejkalohet, do të krijohet një situatë shumë e vështirë dhe e rrezikshme si për pacientët ashtu edhe për profesionistët e kujdesit shëndetësor. Prandaj, është e rëndësishme që të gjitha qeveritë të përqendrohen në bazat themelore për të ndihmuar në thyerjen e zinxhirëve të transmetimit dhe për të shpëtuar jetën dhe jetesën”.

Drejtori i Përgjithshëm i OBSH-së vuri në dukje se parimet themelore në fjalë janë zbulimi i rasteve aktive, hulumtimi i grupeve në rajone ku virusi është i zakonshëm, izolimi i të gjitha rasteve, karantina e kontakteve, kujdesi i mirë klinik, mbështetja dhe mbrojtja e profesionistëve të kujdesit shëndetësor.

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...