Agjencia Zhurnal.KS
Shqipëri

Opozita konfirmon pjesëmarrjen në Këshillin Politik, PD-LSI në tryezë vetëm me kushte

Opozita jashtëparlamentare ka pranuar të marrë pjesë në mbledhjen e Këshillit Politik pasditen e sotme në orën 18.00, pas thirrjes së përfaqësuesit të PS-së, Damian Gjiknuri.

Por PD-LSI pranojnë  vijueshmërinë e punës vetëm me plotësimin e  kushteve të vendosura nga ta. Përmes një postimi, PD ka treguar se cilat janë kushtet që ata të pranojnë që puna e Këshillit Politik të vijojë normalisht.

PD bashkë me Opozitën e Bashkuar kanë kërkuar që Marrëveshja e 5 Qershorit të mos cenohet. Ata rikonfirmojnë që janë dakord me hapjen 100% të listave të kandidatëve, duke theksuar se rregullat e garës elektorale mes palëve nuk mund të ndryshohen 5 muaj përpara datës së regjistrimit në zgjedhje.

Postimi i PD-së:

Opozita konfirmon pjesëmarrjen në Këshillin Politik. “Punë në mirëbesim dhe respektim i 2 marrëveshjeve”, 2 kriteret e opozitës për të vijuar punën. Paprekshmëria e koalicioneve parazgjedhore si pjesë e marrëveshjes, listat e hapura 100%, rishikimi i rregullave të lojës 5 muaj para zgjedhjeve, ja të gjitha argumentat e opozitës para mbledhjes.

1.Partia Demokratike dhe Opozita e Bashkuar nuk përfshihet në asnjë proces që cënon Marrëveshjen e 5 Qershorit dhe rihap diskutimet nga e para për çështje që janë dakordësuar mes palëve dhe që tashmë janë LIGJ.

2.Rikonfirmojmë se jemi dakord me hapjen 100 % të listave të kandidatëve dhe për këtë çështje jemi të gatshëm të vijojmë punën në Këshillin Politik, me përgjegjshmëri maksimale.

3. Hapja e listave nuk ka asnjë lidhje kushtetutese, ligjore apo praktike, me formulën ekzistuese të koalicioneve parazgjedhore dhe ndarjen e zonave zgjedhore.

4. Për Opozitën e Bashkuar rregullat e garës elektorale mes palëve nuk mund të ndryshohen 5 muaj përpara datës së regjistrimit në zgjedhje dhe qëndrueshmëria e ligjit është esenciale për cilësinë e zgjedhjeve, sipas standardeve të Komisionit të Venecias dhe të OSBE-ODIHR.

Postime të ngjashme

Stërvitja e NATO-s në Shqipëri një ditë pas zgjedhjeve, Peleshi: Jo thjesht një stërvitje, ja çfarë domethënie ka për vendin

S.B.

“Kufizimet nuk ndryshojnë”, Komiteti Teknik i Ekspertëve: Masat në fuqi edhe për 2 javë të tjera

S.B.

Rama-Manastirliu nga Kamza: Finalizohet marrëveshja për vaksinat kineze, javën që vjen nis vaksinimi masiv

S.B.

SHBA dhuron 29 mjete të blinduara për Forcat e Armatosura të Shqipërisë

S.B.

“Hajde themi Rama ik”/ Rama në Kamëz me fëmijët, batuta: Jepu një Iphone Rakip ta shohësh sa prapa je

S.B.

Grida Duma padit Erion Veliajn për shpifje

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...