Agjencia Zhurnal.KS
Maqedoni

Osmani në Bruksel në takime me Borellin, Varhejin dhe përfaqësues tjerë të lartë të BE

Shkup, 27 shtator – “Ministri i Punëve të Jashtme, Bujar Osmani, nga dita e nesërme do të realizojë vizitë pune dy ditore në Bruksel, ku do të takohet me përfaqësues të lartë të institucioneve evropiane. Në kuadër të vizitës, Osmani do të takohet me Përfaqësuesin e Lartë të BE-së për Punë të Jashtme dhe Politikë të Sigurisë dhe Nënkryetar i Komisionit Evropian, Josep Borrell, si dhe me Zëvendës Presidenten e Komisionit Evropian e angazhuar për demokraci dhe demografi si dhe për Konferencën për të Ardhmen e Evropës, Dubravka Shuica.

Gjatë vizitës, Osmani do të takohet gjithashtu edhe me Komisionerin e BE-së për Politikën e Fqinjësisë dhe Zgjerimin, Olivér Várhelyi, ndërsa janë paraparë takime me zyrtarë të lartë të Parlamentit Evropian dhe eurodeputetë, në mesin e të cilave edhe nënkryetarja e Parlamentit Evropian Klara Dobrev, Bashkëkryesuesin e Komitetit të Përbashkët Parlamentar ndërmjet BE-së dhe Maqedonisë, Andreas Schieder, Raportuesin për Maqedoninë e Veriut Ilhan Kuçuk, si dhe eurodeputetë të tjerë me ndikim.

Agjenda e Ministrit Osmani parasheh edhe takim me Miroslav Lajçak, përfaqësues special i BE-së për Ballkanin Perëndimor dhe dialogun Beograd-Prishtinë.

Pikë kryesore e bisedimeve do të jetë dosja evropiane e Maqedonisë së Veriut. Fokusi i Osmanit është që deri në fund të këtij viti, ky proces ta përjetojë përfundimin e tij të suksesshëm brenda kryesimit gjerman me Këshillin e BE-së, duke e miratuar kornizën e negociatave, e cila paraqet dokument kryesor në fillimin e negociatave dhe mbajtjen e Konferencës së Parë Ndërqeveritare, e cila shënon tradicionalisht fillimin e negociatave për secilin vend që aspiron anëtarësimin.

Ministri Osmani do t’i prezantojë përparësitë e misionit të tij mandatues, me theks të veçantë për Marrëdhëniet e fqinjësisë së mirë dhe kontributin për rajonin, ku do të riafirmojë: programin e fuqishëm pro-evropian të qeverisë së re, vazhdimin e proceseve të reformës me simbolin e BE-së, veçanërisht në fushën e sundimit të ligjit, si dhe masat socio-ekonomike për të trajtuar pasojat e pandemisë”, thuhet në kumtesën e Ministrisë së Punëve të Jashtme.

Postime të ngjashme

Editorial / Reflektimi i Albin Kurtit mund të vijë edhe tek ne

R Zh

Dimitrov: Shtyerja e bisedimeve me BE-në krijon probleme besueshmërie

admin

Fajon: Vetoja bullgare për Maqedoninë e Veriut është jopërgjegjëse

admin

Milloshoski: Nuk pranoj regjistrues në shtëpi nëse nuk është vaksinuar

admin

Limani: Sot unë, nesër Izet Mexhiti, Blerim Bexheti, Sadulla Duraku, Musa Xhaferi, mund të largohen nga BDI-ja

admin

Kaevski: Deputetët e VMRO-DPMNE-së, Aleanca dhe e Majta të qëndrojnë në anën e qytetarëve

admin

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...