Agjencia Zhurnal.KS
Bota

Pamjet/ Avionët përplasen në ajër, rrëzohet një F-35B me vlerë 100 mln dollarë

Një aksident ajror është regjistruar në Kaliforni ku një avion luftarak F-35B u rrëzua pranë detit Salton

Ngjarja e rëndë u regjistrua pasditen e së martës ku gjatë fluturimit avioni luftarak F-35B u përplas në ajër me një avion cisternë KC-130J, duke e detyruar këtë të fundit të bënte ulje emergjente.

Për fat të mirë, piloti i avionit luftarak arriti të shpëtojë pasi u hodh me parashutë, përpara se F-35B të përplasej në tokë dhe të shpërthente në flakë.

Avioni luftarak F-35B është tepër i kushtueshëm pas përllogaritet që vlera e tij të kap një shifër prej 100 milionë dollarë. Ndërkohë, avioni KC-130J bëri ulje të detyruar në një fushë dhe asnjëri prej 8 pjesëtarëve të ekuipazhit nuk pësoi lëndime.

Sipas asaj që shkruajnë mediat e huaja përplasja erdhi kur F-35B pati kontakt në ajër me KC-130J, gjatë një tentative për t’u furnizuar me karburant.

Autoritetet amerikane kanë nisur një hetim për zbulimin e shkakut të këtij aksidenti ajror, i cili u mbyll fatmirësisht pa viktima, por me shkatërrimin e avionit luftarak F-35B.

Postime të ngjashme

Afrikë, shkon mbi 110 mijë numri i vdekjeve nga COVID-19

S.B.

Vendimi për lockdownin gjatë pashkëve, Merkel u kërkon falje gjermanëve

S.B.

Borell: BE synon krijimin e rrjetit për parandalimin e sulmeve kibernetike

S.B.

Blinken vazhdon presionin ndaj Berlinit mbi ”Nord Stream 2”

S.B.

SHBA i kërkon Johnson & Johnson respektimin e kontratave të furnizimit

S.B.

Merkel kthen mbrapsht vendimin për mbyllje totale gjatë Pashkëve

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...