Agjencia Zhurnal.KS
Kosovë

Prokuroria Speciale sekuestron tri automjete lidhur me rastin e vjedhjes në Thesarin e Shtetit

Me urdhër të Prokurorisë Speciale janë sekuestruar tri automjete lidhur me rastin e vjedhjes së mbi 2 milionë euro nga Thesari i Shtetit.

Zëdhënësi nga Prokuroria Speciale, Ekrem Lutfiu, në përgjigje për KOHËN ka thënë se “automjetet janë sekuestruar me urdhër të Prokurorisë Speciale të Republikës së Kosovës, si pjesë e veprimeve hetimore në kuadër të rastit të ‘Thesarit”.

Për shkak se rasti është ende në fazë të hetimeve, Lutfiu ka thënë se nuk mund të japë të dhëna të tjera.

Policia e Kosovës, sot në raportin 24-orësh ka njoftuar mbi sekuestrimin e automjeteve.

“Lidhur me rastin, me urdhër të prokurorit të Prokurorisë Speciale të Kosovës, janë sekuestruar tri vetura. Rasti është duke vazhduar të hetohet”, është thënë në raport.

Që nga 9 tetori, katër herë, tashmë i arrestuari Labinot Gruda, ish-zyrtar i Thesarit të Kosovës, dyshohet se ka transferuar mjete në mbi 2 milionë euro prej Ministrisë së Infrastrukturës në llogari të një operatori ekonomik, “LDA Group” Sh.P.K.

Postime të ngjashme

Humbin jetën edhe 17 persona nga coronavirusi në Kosovë – konfirmohen 781 raste të reja

S.B.

Haradinaj: Nuk kishim tjetër zgjidhje pos të përballemi me Serbinë

S.B.

Edita Tahiri reagon ndaj deklaratës së Edi Ramës për Kosovën

S.B.

Kurti bën homazhe te varret e presidentit Ibrahim Rugova dhe veprimtarit Adem Demaçi

S.B.

Seanca e Gjykatës së Hagës, avokati i Thaçit: Na jepni materialet që kërkojmë

S.B.

Hoxhaj përkujton 22 vjetorin e bombardimeve të NATO-s: Mision historik në mbrojtjen e të drejtave të qytetarëve për liri

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...