Agjencia Zhurnal.KS
Kosovë

Qeveria miraton propozimin e Qunit për koncept-dokumentin për dërgimin e FSK-së jashtë vendit

Në mbledhjen e Qeverisë së Kosovës, u miratua propozimi i ministrit të Mbrojtjes, Anton Quni për koncept-dokumentin për dërgimin e Forcës së Sigurisë së Kosovës jashtë vendit.

Me dy vota kundër dhe një abstenim, Qeveria e Kosovës vendosi që t’i hap rrugë një baze ligjore për përcaktimin e përgjegjësive, kompetencave dhe procedurave të tjera në rastet e dërgimit të FSK-së jashtë vendit tonë.

Ministri i Mbrojtjes, Anton Quni gjatë mbledhjes së Qeverisë, ku paraqiti këtë propozim theksoi se FSK-ja është e gatshme që të bashkëpunoj dhe të marrë pjesë në operacione ushtarake ndërkombëtare.

“Politika e hartuar hap rrugë për krijimin e bazës ligjore në përcaktimin e përgjegjësive dhe kompetencave të institucioneve në rast të dërgimit të FSK-së jashtë vendit si dhe proceduat e dërgimit në operacione ndërkombëtare dhe aktivitete tjera ushtarake, mënyrën e tërheqjes, zëvendësimin dhe mënyrën e financimit”, njoftoi Quni gjatë fjalës së tij.

Para se të merrej ky vendim, zëvendësministri i Financave, Agim Krasniqi tha se dokumenti në fjalë ka kosto shtesë që nuk janë të parapara me kornizë e projeksione buxhetore.

“Në skenarin e parë bëhet fjalë për 4.3 milionë e në skenarin e dytë mbi 3 milionë. Prandaj rekomandojmë që gjatë hartimit të projektligjit të gjitha aktivitetet të bëhen brenda ndarjeve buxhetore”, tha Krasniqi.

Postime të ngjashme

Humbin jetën edhe 17 persona nga coronavirusi në Kosovë – konfirmohen 781 raste të reja

S.B.

Haradinaj: Nuk kishim tjetër zgjidhje pos të përballemi me Serbinë

S.B.

Edita Tahiri reagon ndaj deklaratës së Edi Ramës për Kosovën

S.B.

Kurti bën homazhe te varret e presidentit Ibrahim Rugova dhe veprimtarit Adem Demaçi

S.B.

Seanca e Gjykatës së Hagës, avokati i Thaçit: Na jepni materialet që kërkojmë

S.B.

Hoxhaj përkujton 22 vjetorin e bombardimeve të NATO-s: Mision historik në mbrojtjen e të drejtave të qytetarëve për liri

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...